School Bus Accident : विरूद्ध दिशेने येणाऱ्या स्कूल बसला कार धडकली; 6 जणांचा जागीच मृत्यू

लखनऊ : उत्तरप्रदेशच्या गाझियाबाद येथे स्कूल बस आणि एका कारचा मोठा अपघात झाल्याची घटना घडली आहे. या अपघातात ६ जणांचा जागीच दुर्दैवी मृत्यू झाला आहे. या घटनेचे सीसीटीव्ही फुटेज समोर आले असून बसचालकाला अटक करण्यात आल्याची माहिती पोलिसांनी दिली आहे.

अधिक माहितीनुसार, बसमध्ये सीएनजी गॅस भरून बसचालक रस्त्याच्या विरूद्ध दिशेने येत होता. त्यावेळी मेरठ कडून येत असलेल्या TUV कारने या स्कूल बसला जोराची धढक दिली. या अपघातात ६ जणांचा जागीच मृत्यू झाला असून २ जण गंभीर जखमी झाले असल्याची माहिती आहे.

बसचालकाला ताब्यात घेण्यात आलं असून अधिक तपास सुरू असल्याची माहिती पोलिसांनी दिली आहे. बसमध्ये शाळकरी विद्यार्थी नसल्यामुळे मोठी दुर्घटना टळली असली तरी दुर्दैवाने तब्बल ६ जणांचा जागीच मृत्यू झाला आहे.