संभाल: उत्तर प्रदेश पोलिसांनी एका कुख्यात गुंडाला पकडण्यासाठी बक्षिस जाहिर केले होते. पण, गुंडच गळ्यात पाटी अडकून पोलिस चौकीत पोहचला आणि हात जोडून पोलिसांसमोर उभा राहिला. पोलिसांनी त्याला अटक केली आहे.
पोलिस चौकीत पोहचलेल्या गुंडाने पाटीवर लिहीले होते की, 'मला गोळी मारू नका, माझी मुलं लहान आहेत. मी फळ विकून उदरनिर्वाह करत आहे. मी केलेल्या चुकीबद्दल मला क्षमा करा.' गळ्यात पाटी अडकून पोलिस चौकीत पोहचल्यावर हात जोडून पोलिसांसमोर उभा राहिला. पोलिसांनी त्याला न मारण्याचे सांगत अटक केली. संभाल पोलिसांनी ट्विटवरून त्याचे छायाचित्र व्हायरल केले आहे. आत्मसमर्पन केलेल्या गुंडाचे नाव नइम असून, त्याच्यावर 15 हजार रुपयांचे बक्षिस होते.
संभाल पोलिस स्टेशनचे प्रभारी निरीक्षक धरमपाल सिंग यांनी सांगितले की, 'नइम हा गेल्या काही महिन्यांपासून फरार होता. पोलिसांनी विविध ठिकाणी छापे टाकले होते. मात्र, त्याला पडकण्यात यश आले नव्हते. अखेर रविवारी (ता. 27) आत्मसमर्पण करण्यासाठी तोच पोलिस स्टेशनमध्ये आला. नइमला अटक करून पोलिस कोठडी सुनावण्यात आली आहे.'
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.