"ममता बॅनर्जी किम जोंग उनसारख्या निर्दयी"; गिरीराज सिंह भडकले!

पश्चिम बंगालमध्ये आजपासून विधानसभा निवडणुकीच्या मतदानाला सुरुवात झाली. पहिल्या टप्प्यातील या मतदानादरम्यान भाजप नेते सुवेंदू अधिकारी यांच्या भावाच्या कारवर तृणमूलच्या एका नेत्यानं हल्ला घडवून आणल्याचं सागितलं जात आहे. या प्रकरणानंतर भाजप नेते गिरीराज सिंह तृणमूलच्या अध्यक्षा ममता बॅनर्जी यांच्यावर चांगलेच भडकले आणि त्यांनी ममतांना उत्तर कोरियाचा हुकुमशहा किम जोंग उनसारख्या निर्दयी असल्याचं म्हटलं. 

गिरीराज सिंह म्हणाले, "सुमेंदू अधिकारी (सुवेंदू यांचे भाऊ) यांच्या कारवरील हल्ला हे ममता बॅनर्जी यांचं फस्ट्रेशन दर्शवत. ममता या उत्तर कोरियाचा हुकुमशहा किम जोंग उन यांची स्टाईल फॉलो करत आहेत. त्या आपल्या विरोधकांना जीवंत पाहू शकत नाहीत त्यामुळे त्या आपला दहशतवादी चेहरा दाखवत आहेत. ममता २ मे रोजी नक्कीच सत्तेतून पायउतार होतील"

पश्चिम बंगालमध्ये मतदानाच्या पहिल्याच दिवशी हिंसाचार

दरम्यान, पश्चिम बंगालमध्ये आज २७ मार्चपासून विधानभा निवडणुकीच्या पहिल्या टप्प्यातील मतदानाला सुरुवात झाली. येथे एकूण ८ टप्प्यांत मतदान पार पडणार आहे. त्यानंतर २ मे रोजी इतर चार राज्यांच्या विधानसभा निवडणुकीच्या निकालांसोबत पश्चिम बंगालचा निकालही जाहीर होणार आहे.