Women's Day 2024: इंदूरमध्ये प्रशिक्षण, सीमेवर दहशत... 56 पुरुषांमध्ये अव्वल आलेली BSFची पहिली महिला स्नायपर आहे तरी कोण?

BSF First Sinper Suman Kumari: सीमा सुरक्षा दलाच्या उपनिरीक्षक सुमन कुमारी यांनी इतिहास रचला आहे. सुमन कुमारी सीमा सुरक्षा दलाची पहिली महिला स्नायपर ठरली आहे. तिने अलीकडेच सेंट्रल स्कूल ऑफ वेपन्स अँड टॅक्टिक्स (CSWT), इंदूर येथे आठ आठवड्यांचा स्नायपर कोर्स पूर्ण केला. तसेच 'ट्रेनर ग्रेड' मिळवला. सुमन प्रशिक्षणासाठी इंदूरला पोहोचली तेव्हा ५६ पुरुषांमध्ये ती एकटी होती. मात्र तिची जिद्द आणि चिकाटी कमालीची होती. जेव्हा निकाल आला ते  सुमन कुमारी सर्वात समोर उभी होती.

BSF CSWT इंदूरने एका पोस्टद्वारे सुमनचे यशाची माहिती दिली आहे. बीएसएफ खऱ्या अर्थाने सर्वसमावेशक शक्ती बनत आहे, जिथे महिला सर्वत्र वेगाने प्रगती करत आहेत. या दिशेने पाऊल टाकत बीएसएफला कठोर प्रशिक्षणानंतर पहिली महिला स्नायपर मिळाली आहे.

पंजाबमध्ये प्लाटूनचे नेतृत्व करत असताना सीमापार स्नायपर हल्ल्याचा धोका पाहून सुमनने स्नायपर बनण्याचा विचार केला. तिने स्नायपर कोर्स करायचे ठरवले. सुमनची जिद्द पाहून तिच्या वरिष्ठ अधिकाऱ्यांनी तिला स्नायपर कोर्स करण्यास मान्यता दिली. विशेष म्हणजे स्नायपर कोर्स करणाऱ्या ५६ पुरुषांमध्ये सुमन ही एकमेव महिला होती. तिच्या या कामगिरीमुळे ती इतर महिला भरतींना अशाच लष्करी भूमिका घेण्यासाठी प्रेरित करेल अशी अपेक्षा आहे.

सीएसडब्ल्यूटीचे आयजी भास्कर सिंग रावत म्हणाले की, कमांडो प्रशिक्षणानंतर स्नायपर कोर्स हा सर्वात कठीण आहे. रावत यांनी सुमनच्या कर्तृत्वाचे कौतुक केले आणि ती आता स्निपर प्रशिक्षक म्हणून नियुक्त होण्यास पात्र असल्याचे सांगितले.

स्नायपर कोर्ससाठी खूप शारीरिक आणि मानसिक ताकद लागते. या वर्षी अशी अनेक प्रशिक्षण सत्रे आयोजित करण्यात आली होती, ज्यात एकाग्रता आवश्यक होती जेणेकरून स्नायपर ओळख लपवून शत्रूच्या जवळ जाऊ शकेल.

बहुतेक पुरुष प्रशिक्षणार्थींना हे प्रशिक्षण कठीण वाटते आणि ते कोर्स करण्याचा प्रयत्न देखील करत नाहीत, परंतु सुमनने स्वेच्छेने काम केले. मला सांगायला आनंद होत आहे की अभ्यासक्रमादरम्यानच्या अनेक उपक्रमांमध्ये सुमनने पुढाकार घेतला. तिची मेहनत, जिद्द आणि शिकण्याची इच्छेने तिला वेगळे बनवले, असे प्रशिक्षकाने सांगितले आहे. (Latest Marathi News)

कोण आहे बीएसएफ उपनिरीक्षक सुमन?

हिमाचल प्रदेशातील मंडी जिल्ह्यातील रहिवासी असलेली सुमन एका सामान्य कुटुंबातून येते. तिचे वडील इलेक्ट्रिशियन म्हणून काम करतात आणि आई गृहिणी आहे. ती 2021 मध्ये बीएसएफमध्ये रुजू झाली. निशस्त्र युद्धातही तो पारंगत आहे.