Eid 2026: मुस्लिम महिलांना ईदचे मोठे गिफ्ट! आता तक्रारीसाठी पोलीस स्टेशनला जाण्याची गरज नाही; योगी सरकार लाँच करणार खास 'App'

ईदच्या ऐन तोंडावर उत्तर प्रदेशातील मुस्लिम महिलांसाठी योगी सरकारकडून एक अतिशय दिलासादायक आणि मोठी बातमी समोर आली आहे. आता आपल्या तक्रारींसाठी किंवा अन्यायाविरुद्ध आवाज उठवण्यासाठी महिलांना पोलीस ठाण्याचे किंवा सरकारी कचेऱ्यांचे उंबरठे झिजवण्याची गरज उरणार नाही.

उत्तर प्रदेश राज्य महिला आयोगाच्या अध्यक्षा डॉ. बबीता सिंह चौहान यांनी या नवीन उपक्रमाची घोषणा केली आहे. सामाजिक बंधने किंवा घरच्या दबावामुळे अनेकदा मुस्लिम महिला पोलीस स्टेशनपर्यंत पोहोचू शकत नाहीत, ही अडचण ओळखून आता थेट मोबाईलवरच न्याय मिळवून देणारी यंत्रणा उभी केली जात आहे.