भरदिवसा बेछूट गोळीबार करून झालेल्या या हत्येची घटना सीसीटीव्हीमध्ये कैद झाली आहे.
मोहाली - पंजाबच्या मोहाली सेक्टर 71 मधील कम्युनिटी सेंटरजवळ शनिवारी दुपारी युवा अकाली दलाचा नेता विक्की मिड्डूखेडाची हत्या करण्यात आली. भरदिवसा बेछूट गोळीबार करून झालेल्या या हत्येची घटना सीसीटीव्हीमध्ये कैद झाली आहे. गोळ्या झाडल्यानंतर आरोपी घटनास्थळावरून फरार झाले. पोलिसांनी त्वरीत कारवाई करत मोहालीसह, चंडिगढ, पंचकुला सीमेवर नाकाबंदी केली आहे. येणाऱ्या जाणाऱ्यांची कसून चौकशी केली जात आहे. सीसीटीव्ही पोलिसांनी सोशल मीडियावर व्हायरल केले आहे.
सीसीटीव्ही फूटेजनुसार, 4 आरोपी पांढऱ्या रंगाच्या कारमधून आले होते. त्यांनी 9 राउंड फायर करून विक्की मिड्डूखेडाची हत्या केली. गोळीबाराची माहिती मिळताच पोलिस घटनास्थळी पोहोचले. हल्लेखोर घटनास्थळावरून फरार झाले होते. जखमी अवस्थेत रक्ताच्या थारोळ्यात पडलेल्या विक्कीला सरकारी रुग्णालयात नेण्यात आले. मात्र डॉक्टरांनी त्याला मृत घोषित केलं.
विक्की हा अकाली दलाचा नेते अजय मिड्डूखेडा यांचा लहान भाऊ तर SOI विद्यार्थी संघटनेचा सदस्य होता. अजय यांनी स्थानिक पंचायत राज निवडणुकीत माजी महापौरांच्या मुलाविरोधात निवडणूक लढली होती. विक्कीचे एक वर्षापूर्वी लग्न झाले होते. अजय यांनी दिलेल्या माहितीनुसार, पंजाब युनिव्हर्सिटीतमध्ये विक्कीचा काही लोकांसोबत वाद सुरु होता. त्यादृष्टीने पोलिस चौकशी करत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.