पाचवी आणि आठवीच्या शिष्यवृत्ती परीक्षेची प्रवेशपत्रे उपलब्ध | Sakal
sakal

बोलून बातमी शोधा

Scholarship

इयत्ता पाचवी आणि आठवीची शिष्यवृत्ती परीक्षा येत्या २० जुलै रोजी राज्यातील सर्व जिल्ह्यांमध्ये एकाच दिवशी घेण्यात येणार आहे.

पाचवी आणि आठवीच्या शिष्यवृत्ती परीक्षेची प्रवेशपत्रे उपलब्ध

पुणे - इयत्ता पाचवी आणि आठवीची शिष्यवृत्ती परीक्षा येत्या २० जुलै रोजी राज्यातील सर्व जिल्ह्यांमध्ये एकाच दिवशी घेण्यात येणार आहे. या परीक्षेसाठी तब्बल सात लाख २१ हजार ५९१ विद्यार्थ्यांनी नोंदणी केली आहे. शिष्यवृत्ती परीक्षेसाठी विद्यार्थ्यांची प्रवेशपत्र संबंधित शाळेच्या लॉगिनमध्ये उपलब्ध करून दिल्याची माहिती महाराष्ट्र राज्य परीक्षा परिषदेच्या आयुक्त शैलजा दराडे यांनी दिली.

राज्यातील ४८ हजार ८० शाळांमधील विद्यार्थ्यांनी शिष्यवृत्ती परीक्षेसाठी नोंदणी केली आहे. इयत्ता पाचवीच्या (पूर्व उच्च प्राथमिक) शिष्यवृत्ती परीक्षेसाठी तब्बल चार लाख १७ हजार ८९४ विद्यार्थ्यांनी, तर आठवीच्या (पूर्व माध्यमिक) शिष्यवृत्ती परीक्षेसाठी तीन लाख तीन हजार ६९७ विद्यार्थ्यांनी नोंदणी केली आहे.

या परीक्षेचे प्रवेशपत्र एक जुलैपासून संबंधित शाळेच्या लॉगिनमध्ये उपलब्ध करून देण्यात आली आहेत. मुख्याध्यापकांनी प्रवेशपत्राची प्रिंट काढून तात्काळ सर्व परीक्षार्थी विद्यार्थ्यांना त्याचे वितरित करावे. परीक्षार्थी आणि पालक यांनी शाळा मुख्याध्यापकांकडून प्रवेशपत्र प्राप्त करून घ्यावे, असे आवाहन दराडे यांनी केले आहे. कोरोनाच्या पार्श्वभूमीवर मागील वर्षी मुंबई वगळता संपूर्ण राज्यात ही शिष्यवृत्ती परीक्षा घेण्यात आली होती. आता मात्र राज्यातील सर्व जिल्ह्यांमध्ये एकाच दिवशी ही परीक्षा होणार आहे. शाळा-शाळांमध्ये शिष्यवृत्ती परीक्षेची जोरदार तयारी करून घेतली जात आहे. शिष्यवृत्ती परीक्षा अवघ्या काही दिवसांवर आली असून परीक्षार्थी विद्यार्थ्यांचा परीक्षेची तयारी आता अंतिम टप्प्यात आली आहे.

शिष्यवृत्तीसाठी नोंदणी झालेल्या शाळा आणि विद्यार्थ्यांची आकडेवारी -

- एकूण नोंदणी केलेल्या शाळा : ४८,०८०

- इयत्ता पाचवीचे विद्यार्थी : ४,१७,८९४

- इयत्ता आठवीचे विद्यार्थी : ३,०३,६९७

- एकूण विद्यार्थी : ७,२१,५९१

- परीक्षा केंद्रांची संख्या : ५,७०७

Web Title: Admission Tickets For 5th And 8th Scholarship Examinations Available Education

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..