CBSE Admit Card 2021: 10-12 वी टर्म परीक्षा प्रवेशपत्र 'असं' करा डाऊनलोड

नवी दिल्ली: केंद्रीय माध्यमिक परीक्षा मंडळाच्या वतीनं दहावी आणि बारावीच्या प्रथम सत्र परीक्षेसाठी प्रवेशपत्र (CBSE Admit Card 2021) जाहीर करण्यात आली आहे. नवीन शिक्षण धोरणानुसार यंदा प्रथमचं सीबीएसईकडून दहावी आणि बारावीच्या परीक्षा दोन सत्रात (term exam) घेण्यात येत आहेत. मात्र हे प्रवेशपत्र डाऊनलोड कसे करावे हे जाणून घेण्यासाठी सविस्तर वाचा...

वेबसाईटवर प्रवेशपत्र उपलब्ध

केंद्रीय माध्यमिक परीक्षा मंडळाशी संलग्न असलेल्या शाळा महाविद्यालयांमध्ये विद्यार्थ्यांना दहावी आणि बारावीचं प्रवेशपत्र उलपब्ध होईल. तर, खासगी विद्यार्थ्यांना सीबीएसईच्या वेबसाईटवर विद्यार्थ्यांना प्रवेशपत्र उपलब्ध होईल. दहावी आणि बारावीच्या विद्यार्थ्यांचे रोल नंबर देखील जाहीर करण्यात आले आहेत. विद्यार्थ्यांना प्रवेशपत्रावर रोल नंबर, परीक्षा केंद्र, परीक्षेची वेळ, परीक्षेसंदर्भातील सर्व सूचना उपलब्ध होणार आहेत. त्यानुसार सीबीएसईकडून दहावी बारावीच्या टर्म 1 च्या परीक्षेचे वेळापत्रक जाहीर करण्यात आलं होतं. विद्यार्थ्यांना प्रवेशपत्र सीबीएसईच्या cbse.gov.in या वेबसाईटवर उपलब्ध होतील.

मायनर विषय परीक्षा

इयत्ता 10 वीची टर्म I मायनर विषय परीक्षा 17 नोव्हेंबर रोजी पेंटिंग पेपरसह सुरू होईल आणि इयत्ता 12 वी टर्म 1 ची मायनर विषयांची परीक्षा 16 नोव्हेंबर सुरु होईल. दहावीची मेजर परीक्षा 30 नोव्हेंबर तर बारावीची मेजर विषयांची परीक्षा 1 डिसेंबर रोजी सुरु होणार आहे.

सीबीएसईने विद्यार्थ्यांना नोटीसद्वारे परीक्षा केंद्र बदलण्याची परवानगी देण्यात आल्याचं सांगितलं आहे. बोर्डाच्या निदर्शनास आल्यानुसार अनेक विद्यार्थी त्यांची शाळा आहे त्या ठिकाणी नाहीत, अशा स्थितीत परीक्षेचे शहर बदलण्याची सुविधा विद्यार्थ्यांना दिली जाईल. सीबीएसईनं विद्यार्थ्यांनी त्यांच्या शाळेशी कधी संपर्क साधू शकतात आणि परीक्षा केंद्र बदलण्याची विनंती करू शकतात यांसदर्भात सविस्तर माहिती देणार आहे.