CBSE Board 10 वी, 12 वी'चा निकाल लवकरच करणार जाहीर?

CBSE 10th, 12th Term 1 Result 2021 Date Latest Update : केंद्रीय माध्यमिक शिक्षण मंडळानं (Central Board of Secondary Education) अजूनही इयत्ता 10 वी, 12 वी टर्म 1 बोर्ड परीक्षांचा निकाल अद्याप जाहीर केलेला नाही. वास्तविक, CISCE नं सोमवार 7 फेब्रुवारी रोजी ICSE, ISC टर्म 1 बोर्ड परीक्षांचे निकाल जाहीर केले. त्यानंतर CBSE बोर्डाचे निकाल देखील लवकरच जाहीर होण्याची शक्यता आहे.

निकालाच्या तारखेबाबत बोर्डानं अद्याप अधिकृत माहिती दिलेली नाही. मात्र, 'द हिंदू'च्या वृत्तानुसार बोर्डाचे परीक्षा नियंत्रक भारद्वाज यांनी सांगितलं की, सध्या निकालाची प्रक्रिया सुरूय. बोर्ड निकाल जाहीर करण्यापूर्वी त्याची छाननी पूर्ण करत आहे. तसेच टर्म 1 गुणपत्रिका काही वेळात वेबसाइटवर सोडल्या जाऊ शकतात, असं त्यांनी नमूद केलं. बोर्डाच्या cbseresults.nic.in आणि results.gov.in या अधिकृत वेबसाइटवर लवकरच निकाल जाहीर होणार असल्याची शक्यताही त्यांनी वर्तवलीय.