Class 8 Scholarship : आठवीच्या शिष्यवृत्तीसाठी अर्ज प्रक्रिया सुरू

पात्र विद्यार्थ्यांना इयत्ता नववी ते बारावीपर्यंत दरमहा एक हजार रुपये शिष्यवृत्ती दिली जाणार
Scholarship
Scholarship Sakal

पुणे : इयत्ता आठवीच्या विद्यार्थ्यांसाठी राबविल्या जाणाऱ्या शिष्यवृत्ती योजनेसाठी अर्ज प्रक्रिया सुरु झाली आहे. महाराष्ट्र राज्य परीक्षा परिषदेमार्फत राष्ट्रीय आर्थिक दुर्बल घटक विद्यार्थ्यांसाठीची शिष्यवृत्ती परीक्षा १० डिसेंबर रोजी घेण्यात येणार आहे. या परीक्षेतील गुणांच्या आधारे पात्र विद्यार्थ्यांना इयत्ता नववी ते बारावीपर्यंत दरमहा एक हजार रुपये शिष्यवृत्ती दिली जाणार आहे.

आर्थिक दुर्बल घटकातील विद्यार्थी ज्यांच्या पालकांचे उत्पन्न तीन लाख ५० हजारांपेक्षा कमी आहे, असे विद्यार्थी योजनेसाठी पात्र आहेत. राज्यातील कोणत्याही शासकीय, शासनमान्य अनुदानित, स्थानिक स्वराज्य संस्थेतील इयत्ता आठवी मध्ये शिकत असलेले विद्यार्थी परीक्षेस बसू शकतात.

तसेच विद्यार्थ्याला इयत्ता सातवीमध्ये किमान ५५ टक्के गुण मिळवून उत्तीर्ण झालेला असावा. अनुसूचित जाती (एससी), अनुसूचित जमाती (एसटी) मधील विद्यार्थ्यांनी किमान ५० टक्के गुण मिळवून उत्तीर्ण झालेले असावे, अशी माहिती परिषदेच्या आयुक्त अनुराधा ओक यांनी दिली.

Scholarship
Education Department : मास्तरांनो, एक चूक पडू शकते महागात! शाळेत तंबाखू, मद्यसेवन केल्याचे आढळल्यास थेट होणार कारवाई

विनाअनुदानित शाळेत, केंद्रीय विद्यालयात, जवाहर नवोदय विद्यालय, शासकीय वसतिगृहाच्या सवलतीचा, भोजनव्यवस्थेचा व शैक्षणिक सुविधांचा लाभ घेणारे विद्यार्थी आणि सैनिकी शाळांमध्ये शिकणारे विद्यार्थी या योजनेस पात्र ठरणार नाहीत.

शिष्यवृत्ती पात्र विद्यार्थ्यांना शिष्यवृत्ती मिळण्यासाठी इयत्ता नववी व अकरावी प्रथम संधीमध्ये उत्तीर्ण होणे आवश्यक आहे. इयत्ता दहावीमध्ये किमान ६० टक्के गुण मिळणे आवश्यक आहे, असे ओक यांनी सांगितले.

Scholarship
Student Struggle For Education : नायगाव तालुक्यात शिक्षणासाठी विद्यार्थ्याचा जीवघेणा प्रवास; प्रशासनाचे दुर्लक्ष

महत्त्वाच्या तारखा

२३ ऑगस्ट ः ऑनलाइन पद्धतीने अर्जाची शेवटची मुदत

२ सप्टेंबर ः विलंब शुल्कासहीत अर्ज

१० डिसेंबर ः परीक्षा

फेब्रुवारी २०२४ ः परीक्षेचा निकाल

अर्जासाठी संकेतस्थळ ः https://www.mscepune.inhttps://nmmsmsce.in

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com