‘जोनाथन’ व्हा!

सर्वसाधारणपणे ज्या ज्या व्यक्तींनी आयुष्यात काहीतरी वेगळं करून दाखवले, त्या सगळ्यांमधे काही सामायिक व्यवच्छेदक लक्षणे दिसतात. पहिली म्हणजे सरासरीपेक्षा जास्त सर्वसाधारण बौद्धिक क्षमता. सर्वसामान्यांपेक्षा अधिक ! म्हणजेच ती अत्यंत उच्च क्षमतेची आहेच असे नाही. मात्र त्यांनी निवडलेल्या क्षेत्रासाठी बऱ्यापैकी उत्तमाकडे जाणारी!.गंमत म्हणजे, अतिप्रचंड बुद्धिमान व्यक्तींचे यशस्वी होण्याचे प्रमाण तुलनेनं कमी आहे, बरं का! कारण त्यांना समाजाबरोबर राहता येणं कठीण जातं. अर्थातच किमान क्षमतांशिवाय एखादी गोष्ट करता येणेच शक्य नाही. यातून दोन गोष्टी लक्षात येतात. एक म्हणजे यशस्वी होण्यासाठी अतिप्रचंड बुद्धिमान असलेच पाहिजे असे नाही आणि दुसरे म्हणजे क्षेत्र निवडता येणे महत्त्वाचे!.निवड महत्त्वाचीबुद्धिमत्ता किती आणि कोणत्या प्रकारची मिळेल ते आपल्या हातात नाही मात्र जाणीवपूर्वक योग्य क्षेत्र निवडता येणं हे शक्य आहे. त्याला मदत व्हावी म्हणूनच ही लेखमाला होती. यशस्वी व्यक्तींचे दुसरे लक्षण म्हणजे नवीन सुचणे किंवा कल्पकता. त्यांच्या त्यांच्या क्षेत्रातील आत्तापर्यंत झालेल्या आविष्कारांपेक्षाही पुढचं काहीतरी नवीन, वेगळं त्यांना सुचतं.म्हणूनच ते वेगळे उठून दिसतात. कल्पकता बुद्धिमत्तेपेक्षा वेगळी गणली जाते. तिसरी गोष्ट म्हणजे बांधिलकी. एकदा का एखादी गोष्ट त्यांनी मनावर घेतली, की ते ती पूर्ण करूनच सोडतात. त्यामुळे त्यांच्या क्षेत्रातील काही करण्यासारखी गोष्ट सापडली की, हात धुऊन ते त्याच्या मागे लागतात..बुद्धिमत्ता, कल्पकता, बांधिलकीएकदा एका दुपारी एक विद्यार्थी ऑलिम्पियाडमधील एक गणित सोडवायला बसला. गणित अवघड होते. प्रयत्न करतोय, पण ते सुटता सुटेना. हा पठ्ठया अतिशय जिद्दी! प्रयत्न करत राहिला आणि एकदाचे गणित सुटले. गणित सुटल्यानंतर तो भानावर आला आणि आजूबाजूला पाहिले तर काय. सकाळचे दहा वाजले होते !.गणित सोडविण्यात तो इतका मग्न होता की, तहानभूक हरपून काम करत राहिला. विषयाशी अतिशय बांधिलकी. पुढे या मुलाने गणित ऑलिम्पियाडमधे भारताचे दोनदा प्रतिनिधित्व केले. गणित विषयासाठी तो अत्यंत बुद्धिमान तर होताच, पण नवीन -नवीन गोष्टी करण्याची जिद्द होती आणि विषयाशी बांधिलकी होती.त्यामुळेच त्याने उत्तम यश संपादन केले. सरासरीपेक्षा जास्त बुद्धिमत्ता, कल्पकता आणि बांधिलकी या तीन क्षमता असतील तर लौकिक यश मिळणे शक्य असते. पण प्रश्न आहे तो म्हणजे एवढ्या पुरतेच जगायचे का? की इतरांपेक्षा वेगळे काही करून दाखवण्यासाठीही प्रयत्न करायचा?.समुद्रपक्ष्याची गोष्टअन्न, वस्त्र आणि निवारा यासाठी सगळेच झगडत असतात. जन्माला यायचे, शिक्षण घ्यायचे, नोकरी करायची, गृहस्थाश्रम स्वीकारायचा, मुला-बाळांना वाढवायचे, त्यांची शिक्षणे करायची, त्यांची लग्ने करायची, नातवंडांना सांभाळायचे आणि एक दिवस नाहीसे व्हायचे. असेच आयुष्य जगायचे, की पठडी सोडून नवीन काहीतरी करायचा प्रयत्न करायचा? जोनाथन नावाच्या समुद्रपक्षाची गोष्ट तुम्ही नक्की वाचा..तो ठरवतो की त्याचे नातेवाईक, मित्र, आई-वडील जे सगळे फक्त पोट भरण्यासाठी - मासे पकडण्यासाठी धडपडतात, त्यापेक्षा मला काही तरी वेगळे करायचे आहे आणि मग तो वेगाने उडण्याचा प्रयत्न सुरू करतो. असा प्रयत्न करताना तो खूप धडपडतो. अपघात होतात. त्यातून सावरतो, पुन्हा प्रयत्न करतो. आजूबाजूचा समाज त्याची टर उडवतो.त्याला हिंमत देण्याऐवजी त्याचे पाय खेचण्याचा प्रयत्न करतो. लोक त्याला म्हणत, की तुला जोरात उडायचे असेल, तर तसे शरीरपण पाहिजे. तू तर समुद्रपक्षी म्हणून जन्माला आला आहेस, मग तेवढेच कर. असे करता करता त्याच्यासारखेच काही वेडे पक्षी त्याला मित्र म्हणून मिळतात. आणि मग त्या प्रवासात आणखीनच मजा येते. ही समुद्रपक्षाची गोष्ट अवश्य वाचा..रिचर्ड बाक या लेखकाचे ‘जोनाथन लिव्हिंगस्टोन सिगल’ हे इंग्रजीतील पुस्तक मिळवा. त्याचे मराठी भाषांतरही झालेले आहे. समुद्रपक्षी जोनाथन हे रूपक आहे. हे पुस्तक एका वाचनात संपत नाही. जितक्यावेळा वाचाल तेवढा अधिक अर्थ लागत जातो. जोनाथनसारखे पठडी मोडून वेगळे काहीतरी करण्याचा प्रयत्न करूया. तुमच्यातल्या वेड्या जोनाथनला शुभेच्छा!.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

‘जोनाथन’ व्हा!

Related Stories

Premium|Italian Culture : इटालियन लोकांच्या फॅशनप्रेमापासून आई-बाबांच्या प्रवाससंस्कारांपर्यंतची आठवण

Premium|Epigenetics and Gene Expression : समान डीएनए असूनही पेशींची कामे वेगळी का असतात? एपिजेनेटिक्स समजून घ्या

मायफा-२५ ऑगस्ट

Premium|Open Source AI Revolution : जागतिक महासत्तांची गणितं कशी बदलली?