"तुमचं मूल जास्त प्रश्न विचारतंय? मग हा लेख नक्की वाचा!" आरोहीच्या गोष्टीतून शिका मुलांमधील वैज्ञानिक ओढ कशी ओळखावी.
Sakal
जयवंत बोरसे, स्पर्धा परीक्षा मार्गदर्शक
प्रसंग (१)
आरोहीचे आई-बाबा तिच्या शाळेतल्या बाईंशी बोलले. खरेतर ही बाब त्यांच्या कानावर यापूर्वीच आलेली होती. तेव्हा त्या मुलांना रागावल्या होत्या. त्यामुळे विषय मिटला असेल, असे बाई समजल्या. चार-पाच दिवसानंतर आरोहीसोबत तिचे आई-बाबा शाळेत आले. त्यानंतर सगळ्या गोष्टींचा उलगडा झाला. काल बरं वाटत नाही, असे म्हणून ती घरीच राहिली होती. आजही ती शाळेत यायला तयार नव्हती.
समस्या
बरेच जण तिला ‘का, का-का, का-की, कसे-असे, कसेसे’ अशा प्रकारे सतत चिडवत असत. अनेकवेळा तिने मित्रमैत्रिणींना सांगितले. नंतर बाईंनाही. परंतु चिडवणे बंद झाले नाही. त्याचा परिणाम मात्र तिच्या शाळेत येण्यावर झाला.
