भविष्यवेध : उच्च शिक्षण की कौशल्य विकास?

प्रा. विजय नवले - करिअर मेंटॉर

आजच्या वेगवान आणि स्पर्धात्मक युगात विद्यार्थ्यांपुढे महत्त्वाचा प्रश्न म्हणजे, उच्च शिक्षण घ्यावे की थेट कौशल्य विकासाकडे वळावे? पारंपरिक विचारसरणीनुसार पदवी, पदव्युत्तर शिक्षण म्हणजे यशाचा मार्ग मानला जातो. परंतु बदलत्या काळात केवळ पदवी पुरेशी ठरत नाही, हे वास्तवही तितकेच स्पष्ट झाले आहे.

उच्च शिक्षण विद्यार्थ्याला सखोल ज्ञान, विश्लेषण क्षमता आणि व्यापक दृष्टी देते. या शिक्षणामुळे करिअरला एक मजबूत पाया मिळतो आणि दीर्घकालीन स्थैर्याची संधी निर्माण होते. मात्र, फक्त पदवी घेतली म्हणजे नोकरी हमखास मिळेल, ही समजूत आता कालबाह्य ठरत आहे.