CA Result 2023 : सनदी लेखापालचा निकाल जाहीर; अक्षय जैन देशात प्रथम

पुणे : सनदी लेखापाल (सीए) परीक्षेचा अंतिम निकाल बुधवारी जाहीर करण्यात आला आहे. अंतिम परीक्षेला बसलेल्या १ लाख ४० हजार विद्यार्थ्यांपैकी ८.३३ टक्के विद्यार्थी उत्तीर्ण झाले आहे. तर इंटर परीक्षेत १०.२४ टक्के विद्यार्थी उत्तीर्ण झाले आहे.

अहमदाबादमधील अक्षय जैन या विद्यार्थ्याने अंतिम परीक्षेत ८०० पैकी ६१६ गुण मिळवत देशात प्रथम क्रमांक पटकावला आहे. तर इंट परीक्षेत हैद्राबाद येथील वाय गोकुळे साई श्रीकरने ८०० पैकी ६८८ गुण मिळवत प्रथम क्रमांक पटकावला आहे. इन्स्टिट्यूट ऑफ चार्चर्ड अकाऊंटंट्स ऑफ इंडियाच्या वतीने जाहीर करण्यात आला आहे.

विद्यार्थी आपला निकाल icai.nic.in या संकेतस्थळावर पाहू शकतील. अंतिम परीक्षेला १.४ लाखांहून अधिक विद्यार्थी बसले होते, तर १.८ लाखांहून अधिक विद्यार्थी इंटरमिजिएट परीक्षेला सहभागी झाले होते. सीए परीक्षेत जुना अभ्यासक्रम (गट १) आणि नवीन अभ्यासक्रम (गट २) म्हणून ओळखले जाणारे दोन गट आहेत, ज्यासाठी परीक्षा वेगवेगळ्या तारखांना घेण्यात आल्या.