JEE Exam Result : जेईई मुख्य परीक्षा सेशन 1 चा निकाल जाहीर; 'असा' पाहा निकाल

नवी दिल्ली : JEE Exam Result : जेईई मुख्य परीक्षे 2022 सेशन 1 चा निकाल नॅशनल टेस्टिंग एजन्सीकडून (NTA) जाहीर झाला आहे. या परीक्षेत पात्र ठरण्यासाठी सर्वसाधारण गटातील उमेदवारांसाठी ७५ टक्के गुण तर एसीसी, एसटी, अपंग व्यक्तींसाठी ६५ टक्के गुण मिळवणं गरजेचं आहे. यापरीक्षेची अंतिम उत्तराची यादी ६ जुलै २०२२ रोजी प्रसिद्ध करण्यात आली होती. (JEE Main 2022 Session 1 result has been declared)

या परीक्षेत ज्या उमेदवारांनी अपेक्षित गुण मिळवले आहेत ते आता पुढील सेशन २ साठी पात्र ठरले आहेत. यानंतर सेशन २ ची परीक्षा झाल्यानंतर एनटीएकडून जेईई अॅडव्हान्स परीक्षेसाठी अंतिम कट ऑफ जाहीर केली जाईल.

'या' वेबसाईट्सवर जेईईचा निकाल पाहता येईल

jeemain.nta.nic.in

ntaresults.ac.in

nta.ac.in

Direct Link - JEE Main Result 2022

जेईई मुख्य सेशन १ निकाल कसा चेक कराल?

जेईईच्या jeemain.nta.nic.in या मुख्य वेबसाईटवर जा नंतर JEE Main 2022 Session 1 Result या लिंकवर क्लीक करा. यानंतर आवश्यक ती माहिती भरा आणि सबमिट करा. त्यानंतर तुमचा निकाल तुम्हाला स्क्रीनवर दिसेल. तुमचा निकाल पाहा आणि तो डाऊनलोड करा. यानंतर निकालाच्या प्रतीची प्रिंट काढून जवळ ठेवा.

जेईई मुख्य परीक्षा सेशन २ कधी होणार?

जेईई मुख्य परीक्षा सेशन २ एनटीएकडून घेण्यात येणार असून ती २१, २२, २३, २४, २५, २६,२७ ,२८ ,२९ आणि ३० जुलै २०२२ दरम्यान पार पडणार आहे. सेशन २ ची परीक्षा पार पडल्यानंतर काऊन्सेलिंगसाठी ऑल इंडिया रँक (AIR) आणि कट ऑफ जाहीर होईल.