नेव्हीमध्ये नोकरी करण्याची संधी, अट दहावी पास

सरकारी नोकरीच्या शोधात असणाऱ्यांसाठी अन् नेव्हीमध्ये जाण्याची इच्छा बाळगणाऱ्यांसाठी आनंदाची बातमी आहे. इंडियन नेव्हीमध्ये 'सेलर' 33 पदांसाठी भरती सुरु झाली आहे. दहावी पास उमेदवार यासाठी अर्ज करु शकतो. नेव्हीमध्ये काम करणाऱ्यांसाठी ही सुवर्णसंधी आहे. इच्छुक उमेदवार दोन ऑगस्ट ते 6 ऑगस्ट यादरम्यान अर्ज करु शकतात. इच्छुक उमेदवार joinindiannavy.gov.in या अधिकृत संकेतस्थळावर अर्ज करु शकतात.

रिक्रुटमेंट ड्राईव्हच्या माध्यमातून इंडियन नेव्हीमध्ये 33 सेलर पदांसाठी भरती करण्यात येत आहे. त्यासाठी जवळपास 300 पेक्षा जास्त जणांना मुलाखतीसाठी बोलवण्यात येणार आहे. ऑक्टोबर 2021 च्या बॅचसाठी भरती करण्यात येणार आहे.

वयोमर्यादा आणि प्रवेश शुल्क अन् वेतन -

1 ऑक्टोबर 1996 ते 30 सप्टेंबर 2004 या दरम्यानचा उमेदवाराचा जन्म असावा. कोणत्याही प्रवर्गाला उमेदरावाला वयोमानात विशेष सवलत देण्यात आली नाही. विशेष म्हणजे, या पदांसाठी अर्ज कोणतेही शुल्क आकारले जाणार नाही. ट्रेनिंगसाठी निवड झालेल्या उमेदवारांना 14,600 रुपयांचा स्टायपेंड देण्यात येणार आहे. त्यानंतर 3 डिफेन्स पे नुसार 21,700 ते 69,100 रुपये वेतन देण्यात येणार आहे. त्याचसोबत डीए आणि 5200 रुपये दिला जाईल.