Karnataka Hijab Controversy : कॉलेज 16 फेब्रुवारीपर्यंत बंद राहणार

Karnataka Hijab Controversy
Karnataka Hijab Controversyesakal
Updated on: 
Summary

'कोणताही अनुचित प्रकार घडू नये यासाठी खबरदारीची पावले उचलली पाहिजेत.'

बंगळुरु : कर्नाटकातील (Karnataka) हिजाब वादाच्या (Hijab Controversy) पार्श्वभूमीवर उच्च शिक्षण विभागानं सर्व पदवी महाविद्यालये, विद्यापीठे आणि व्यावसायिक अभ्यासक्रम संस्था 16 फेब्रुवारीपर्यंत बंद ठेवण्याचे आदेश दिले आहेत. याआधी उच्च शिक्षण विभागानं 9 ते 11 फेब्रुवारीदरम्यान या शैक्षणिक संस्था बंद ठेवण्याची घोषणा केली होती. याबाबतचा निर्णय मुख्यमंत्री बसवराज बोम्मई (CM Basavaraj Bommai) यांनी काल घेतला.

कर्नाटक उच्च न्यायालय (Karnataka High Court) हिजाब बंदीवर प्रश्नचिन्ह उपस्थित करत उडुपीतील सरकारी प्री-युनिव्हर्सिटी कॉलेजच्या पाच विद्यार्थिनींनी दाखल केलेल्या याचिकांवर सुनावणी करत आहे. यापूर्वी 8 फेब्रुवारी रोजी मुख्यमंत्री बोम्मई यांनी राज्यातील सर्व हायस्कूल आणि महाविद्यालये तीन दिवस बंद ठेवण्याची घोषणा केली होती. त्यानंतर काल शुक्रवारी कॉलेज बंद ठेवण्याची मुदत 16 फेब्रुवारीपर्यंत वाढवण्यात आली असल्याचे त्यांनी सांगितले.

Karnataka Hijab Controversy
देशात आता समान नागरी कायद्याची गरज : गिरीराज सिंह

कर्नाटक सरकारनं काल जिल्हा प्रशासनाला सूचना देताना सांगितलं की, कोणताही अनुचित प्रकार घडू नये यासाठी खबरदारीची पावले उचलली पाहिजेत. एसपी आणि डीसी यांनी संवेदनशील भागातील प्रमुख शाळांना भेटी द्याव्यात. संवेदनशील भागात कोणताही अनुचित प्रकार घडणार नाही याची दक्षता घ्यावी. तसेच 10 वी पर्यंतच्या शाळा 14 फेब्रुवारी रोजी राज्यभरात पुन्हा सुरू होणार आहेत, असं सरकारनं स्पष्ट केलं. एएनआयच्या वृत्तानुसार, सीएम बोम्मई यांनी काल राज्याच्या परिस्थितीचा आढावा घेण्यासाठी जिल्ह्यातील मंत्री आणि वरिष्ठ अधिकाऱ्यांसोबत व्हिडिओ कॉन्फरन्सिंगद्वारे बैठक घेतली होती.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

Central Railway Recruitment 2026 2,861 Apprentice Posts
Census 2027 Maharashtra update
Wakad School Relocation Controversy: Students' Safety Under High Voltage Power Lines Raises Concerns
Free Competitive Exam Coaching for Tribal Candidates in Manchar