Karnataka 2nd PUC Result : व्दितीय PUC परीक्षेचा निकाल जाहीर; जाणून घ्या उत्तीर्णतेची टक्केवारी

Karnataka 2nd PUC Result 2023 : कर्नाटक पूर्व-विद्यापीठ परीक्षा मंडळानं पीयूसी परीक्षेचा आज निकाल जाहीर केला. karresults.nic.in यावर जाऊन किंवा खाली दिलेल्या थेट लिंकवर क्लिक करून विद्यार्थी त्यांचे निकाल पाहू शकतात.

यंदा एकूण 74.67 टक्के विद्यार्थी उत्तीर्ण झाले आहेत. दक्षिण कन्नड जिल्ह्याचा निकाल सर्वोत्कृष्ट लागला आहे. दुसऱ्या क्रमांकावर उडुपी जिल्हा आहे. यावर्षी कर्नाटक पीयूसी व्दितीय अंतिम परीक्षा 9 ते 29 मार्च 2023 दरम्यान राज्यभरातील परीक्षा केंद्रांवर घेण्यात आली.

परीक्षा सर्व दिवस सकाळी 10.15 ते दुपारी 1.30 या वेळेत एकाच शिफ्टमध्ये घेण्यात आली. सुमारे 7 लाख विद्यार्थी परीक्षेला बसले आहेत. 2022 मध्ये कर्नाटक व्दितीय PUC परीक्षा 16 एप्रिल ते 4 मे 2022 या कालावधीत घेण्यात आली आणि निकाल 18 जून 2022 रोजी जाहीर झाला.

कर्नाटक पीयूसी द्वितीय परीक्षेला 6,83,563 विद्यार्थी बसले होते, त्यापैकी 4,22,966 विद्यार्थी उत्तीर्ण झाले. एकूण उत्तीर्णतेची टक्केवारी 61.88 टक्के आहे. मुलांचं हे प्रमाण 52.22 टक्के आणि मुलींचं 68.72 टक्के होतं.

Karnataka 2nd PUC Result 2023 : अशा प्रकारे पहा निकाल

• बारावी परीक्षेचा निकाल तुम्ही karresults.nic.in या वेबसाइटवर जाऊन पाहू शकता

• होम पेजवर जाऊन कर्नाटक व्दितीय PUC निकाल 2023 च्या लिंकवर क्लिक करा

• आता तुमच्या रोल नंबरनं लॉग इन करा.

• त्यानंतर तुमचं स्कोअरकार्ड पहा आणि डाउनलोड करा.