विशेष - लिबरल आर्ट्स : समाजाचे नव्याने आकलन

प्रा. बिष्णू प्रसाद मोहापात्रा

समाज आणि राजकारण हे एकमेकांपासून वेगळे नसून, विविध कृती, निर्णय आणि परस्परसंवादांमधून ते सतत एकमेकांवर प्रभाव टाकतात. राजकारण प्रामुख्याने सत्तेच्या वापराशी आणि निवडणुकांशी संबंधित असते, परंतु त्याचे परिणाम समाजरचना, सामाजिक व्यवस्था आणि दैनंदिन जीवनावर दीर्घकाळ पडतात. त्याचप्रमाणे, समाजातील अनेक प्रश्न हे सत्ता, अधिकार आणि प्रशासनाशी जोडलेले असतात. त्यामुळे समाज आणि राजकारण यावर मोकळेपणाने विचार करण्यासाठी आणि सर्वांगीण चर्चा घडवून आणण्यासाठी ‘लिबरल आर्ट्स’च्या माध्यमातून शिक्षण एक प्रभावी मार्ग आहे. ‘लिबरल आर्ट्स’मधील आंतरशाखीय शिक्षण या परस्परसंबंधांचे सखोल आणि व्यापक आकलन करून देण्यास मदत करते.