छत्रपती संभाजीनगर : महाराष्ट्र लोकसेवा आयोगातर्फे (एमपीएससी) २०२६ मध्ये घेतल्या जाणाऱ्या विविध स्पर्धा परीक्षांचे संभाव्य वेळापत्रक (MPSC 2026 exam) जाहीर झाले. त्यानुसार राज्यसेवा मुख्य परीक्षा, वनसेवा मुख्य परीक्षा, अभियांत्रिकी, कृषी सेवा, गट ब, क यांसारख्या विविध दहा परीक्षा व निकालाच्या तारखांचा समावेश आहे. शासनाकडून वेळेत मागणीपत्र प्राप्त होण्याच्या गृहिताच्या आधारे हे वेळापत्रक असल्याचे स्पष्ट करण्यात आले आहे.