NTPC मध्ये भरती! 90 हजारांपर्यंत पगार;'या' तारखेपूर्वी करा अर्ज

नॅशनल थर्मल पॉवर कॉर्पोरेशन लिमिटेडने (NTPC) विविध कार्यकारी पदांसाठी इच्छुक उमेदवारांकडून अर्ज मागवले आहेत. या पदांसाठी अर्ज करण्यासाठी उमेदवार Careers.ntpc.co.in अधिकृत संकेतस्थळावर जाऊन 8 एप्रिलच्या शेवटच्या तारखेपूर्वी अर्ज करू शकतात. या भरती मोहिमेअंतर्गत 55 कार्यकारी पदांवर नियुक्ती करण्यात येणार आहे. ज्यामध्ये एक्झिक्युटिव्ह (Combined Cycle Power Plant) चे 50 पद, एक्झिक्युटिव्ह (Operations - Power Trending)चे 4 पद आणि एक्झिक्युटिव्ह (Business Development Power Trading) चे 1 पद निश्चित करण्यात आले आहे. (NTPC recruitment 2022 Notification)

महत्त्वाच्या तारखा

- ऑनलाइन अर्ज सुरू होण्याची तारीख- 25 मार्च 2022

- ऑनलाइन अर्ज करण्याची शेवटची तारीख- 8 एप्रिल 2022

शैक्षणिक पात्रता

- एक्झिक्युटिव्ह (Combined Cycle Power Plant)) पदांसाठी अर्ज करणाऱ्या उमेदवारांकडे इलेक्ट्रिकल, मेकॅनिकल, इलेक्ट्रॉनिक्स किंवा इन्स्ट्रुमेंटेशन इंजिनीअरिंगमध्ये किमान 60 टक्के गुणांसह पदवी तसेच कामाचा किमान दोन वर्षांचा अनुभव असणे आवश्यक आहे.

- एक्झिक्युटिव्ह (Operations - Power Trending) या पदांसाठी उमेदवारांना इलेक्ट्रिकल किंवा मेकॅनिकल इंजिनिअरिंगमध्ये 60 टक्के गुणांसह पदवी आणि संबंधित क्षेत्रातील कामाचा तीन वर्षांचा अनुभव मागितला आहे.

- एक्झिक्युटिव्ह (Business Development Power Trading) साठी 60 टक्के गुण असलेल्या उमेदवारांना इलेक्ट्रिकल किंवा मेकॅनिकल इंजिनिअरिंगमधील पदवीसह तीन वर्षांचा कामाचा अनुभव असावा.

वयाची अट

- या सर्व पदांवर अर्ज करण्याची वयोमर्यादा 35 वर्षे असून या पदांसाठी निवड झालेल्या उमेदवारांना दरमहा 90 हजार रुपये वेतन देण्यात येणार आहे.

जाणून घ्या या भरतीसाठी उमेदवार कसे करू शकतात अर्ज

- सर्वात पहिल्यांदा उमेदवारांनी एनटीपीसीच्या अधिकृत वेबसाइट http://www.ntpc.co.in भेट द्यावी.

- त्यानंतर करिअर पेजवर क्लिक करा.

- येथे उमेदवारांनी आपला अर्ज भरावा.

- त्यानंतर तुमची कागदपत्रे अपलोड करा.

- शेवटी, उमेदवाराने अर्ज शुल्क भरावे.