CIL Recruitment 2021 : कोल इंडिया कंपनीत 86 पदांसाठी भरती

सातारा : CIL Recruitment 2021 : कोल इंडिया लिमिटेड (सीआयएल) ही भारत सरकारच्या महारत्न कंपन्यांपैकी एक. या कंपनीने नुकत्याच व्यवस्थापकीय पदांवर भरतीसाठी सुरू असलेल्या अर्ज प्रक्रियेनंतर वैद्यकीय कार्यकारी पदांच्या भरतीसाठी एक जाहिरात प्रसिध्द केली आहे. सीआयएलने 10 एप्रिल 2021 रोजी जाहीर केलेल्या सुधारित भरती जाहिरातीनुसार (क्र. 2/2021), वैद्यकीय अधिकारी आणि वैद्यकीय तज्ञांच्या पदांसाठी पात्र उमेदवारांना अर्ज मागविण्यात आले आहेत. इच्छुक उमेदवारांनी कोल इंडियाच्या अधिकृत संकेतस्थळावर coalindia.in वर आपला अर्ज करण्याचे आवाहनही कंपनीने केले आहे.

अर्जाची अ‍ॅडव्हान्स काॅपी आवश्यक

सीआयएल मेडिकल एक्झिक्युटिव्हच्या जाहिरातीनुसार, उमेदवारांना 30 एप्रिलपर्यंत आपला अर्ज भरता येणार आहे. आपण भरतीची सूचना सीआयएल वेबसाइटवरून किंवा खाली दिलेल्या थेट दुव्यावरून डाउनलोड करू शकता. अर्जाचा फॉर्मेट अधिसूचनेतच देण्यात आला असून कागदपत्रांना अन्य जोडलेली कागदपत्रे या पत्त्यावर सबमिट करा - उपमहाव्यवस्थापक (पी / ईई), कार्यकारी आस्थापना विभाग, दक्षिण पूर्व कोलफील्ड्स लिमिटेड, सीपत रोड, बिलासपूर - 495006 (छत्तीसगड).

लाइट्‌स, कॅमेरा, ऍक्‍शन..! अभिनय क्षेत्रात आहेत उत्तम करिअरच्या अनेक संधी

कोण अर्ज करू शकेल?

सीआयएल वैद्यकीय कार्यकारी भरती 2021 च्या अधिसूचनेनुसार, अर्ज करण्यास इच्छुक असलेल्या उमेदवारांनी संबंधित पदांसाठी पीजी डिप्लोमा, एमबीबीएस किंवा बीडीएस पदवी पास झालेली असायला हवी. या व्यतिरिक्त 10 एप्रिल 2021 रोजी उमेदवारांचे वय 35 वर्षे / 42 वर्षे जास्त नसावे. तथापि, राखीव वर्गातील उमेदवारांसाठी जास्तीत-जास्त वयोमर्यादेमध्ये सवलत देण्याची तरतूद सरकारने केली आहे.