IIT Job : आयआयटीमध्ये प्राध्यापकांची भरती; १ लाखांहून अधिक पगार घेण्याची संधी

मुंबई : IIT इंदौरने सहाय्यक प्राध्यापकांच्या पदांसाठी भरती काढली आहे. इंडियन इन्स्टिट्यूट ऑफ टेक्नॉलॉजी, इंदौरने अधिकृत वेबसाइटवर एकूण ३४ प्राध्यापक पदांच्या भरतीसाठी अधिसूचना प्रकाशित केली आहे. (recruitment in IIT Indore on assistant professor post teaching jobs )

या भरतीसाठी पात्र आणि इच्छुक उमेदवार IIT.ac.in या IIT इंदौरच्या अधिकृत साइटला भेट देऊन अर्ज करू शकतात. या पदांसाठी अर्ज करण्याची शेवटची तारीख २१ एप्रिल २०२३ आहे. हेही वाचा - सामान्यांचा पैसा सुरक्षित ठेवण्यासाठीच Virtual Currency करकक्षेत

अंतिम तारखेपूर्वी इच्छुक उमेदवारांनी सर्व तपशील व्यवस्थित भरून अर्ज सादर करावेत, असे संस्थेने स्पष्ट केले आहे. शेवटच्या तारखेनंतर कोणताही अर्ज स्वीकारला जाणार नाही. तसेच, अर्जातील कोणतीही अस्पष्ट माहिती किंवा चुकीचे तपशील फॉर्म नाकारण्यास कारणीभूत ठरतील.

https://www.iiti.ac.in/public/storage/recruitments/March2023/mFvckMgWJnbbfsYS4eHO.pdf या लिंकवर अधिसूचना उपलब्ध आहे.

वयोमर्यादा

अधिकृत अधिसूचनेनुसार, या पदांसाठी अर्ज करणाऱ्या उमेदवारांचे कमाल वय ३२ वर्षे असावे. याशिवाय उमेदवारांकडे संबंधित विषयात पीएचडी पदवी असणे आवश्यक आहे. शैक्षणिक पात्रतेशी संबंधित अधिक तपशीलांसाठी, उमेदवारांनी अधिकृत अधिसूचना पाहावी.

सहाय्यक प्राध्यापक ग्रेड १ च्या पदासाठी निवड झालेल्या उमेदवारांना दरमहा किमान वेतन १ लाख १ हजार ५०० रुपये आणि सहाय्यक प्राध्यापक ग्रेड २ वेतनासाठी ७० हजार ९०० रुपये दिले जातील.