रेल्वेत 'या' पदासाठी बंपर भरती; पगारही मिळणार चांगला

RRC Railway Recruitment 2021 : रेल्वे रिक्रूटमेंट सेलच्या माध्यमातून विविध झोनमध्ये अप्रेंटिस पदांवर भरती केली जात आहे. या पदभरतीअंतर्गत पूर्व, पश्चिम, उत्तर मध्य आणि इतर ठिकाणी अप्रेंटिस पदांची भरती केली जाणार आहे. याची अर्ज प्रक्रिया सुरु असून अंतिम मुदतीचा तपशील देण्यात आलाय. यासाठी उमेदवारांना ऑनलाइन माध्यमातून अर्ज करायचाय. रेल्वेनं विविध झोनसाठी वेगवेगळे नोटिफिकेशन जाहीर केले आहेत.

उत्तर मध्य रेल्वेनं (NCR) अप्रेंटिस पदाच्या भरतीसाठी पात्र उमेदवारांकडून अर्ज मागवले आहेत. यासाठी उमेदवार, RRC प्रयागराजच्या अधिकृत वेबसाइटवर rrcpryj.org जाऊन ऑनलाइन अर्ज करू शकतात. या भरतीसाठी अर्ज प्रक्रिया 2 नोव्हेंबरपासून सुरू झालीय, तर अर्ज करण्याची अंतिम तारीख 1 डिसेंबर 2021 आहे. या भरती मोहिमेद्वारे रेल्वेत 1664 रिक्त जागा भरल्या जाणार आहेत.

दरम्यान, या पदांसाठी उमेदवाराने एसएससी अथवा 10 वी परीक्षेत किमान 50% गुणांसह उत्तीर्ण असणं आवश्यक आहे. तसेच संबंधित क्षेत्रातील आयटीआय पदवी देखील गरजेची आहे. अर्जासाठी वयोमर्यादा 15 ते 24 वर्षे निश्चित करण्यात आलीय. तसेच उमेदवाराला अर्ज फी म्हणून 100 रुपये भरावे लागतील. तर, आरक्षित वर्ग/पीडब्ल्यूडी/महिला अर्जदारांना कोणतेही शुल्क भरावे लागणार नाही. 10 वीच्या गुणांच्या आधारे मेरिटद्वारे ही भरती केली जाईल. यात निवडलेल्या उमेदवारांना 56,900 रुपये पगार दिला जाणार आहे.