SSC Exam : दहावीच्या परीक्षेचे अर्ज भरण्यासाठी २० नोव्हेंबरपर्यंत मुदत

पुणे - महाराष्ट्र राज्य माध्यमिक व उच्च माध्यमिक शिक्षण मंडळामार्फत मार्च २०२४ मध्ये घेण्यात येणाऱ्या दहावीच्या परीक्षेस नियमित विद्यार्थ्यांची ऑनलाइन अर्ज भरण्याची प्रक्रिया सुरू झाली आहे. दहावीच्या परीक्षेसाठी सरल डेटाबेसवरून विद्यार्थ्यांचे अर्ज नियमित शुल्कासह २० नोव्हेंबरपर्यंत भरता येणार आहेत.

नियमित विद्यार्थ्यांसह पुनर्परीक्षार्थी, नावनोंदणी प्रमाणपत्र प्राप्त झालेले खासगी विद्यार्थी, तसेच श्रेणीसुधार योजनेअंतर्गत व तुरळक विषय घेऊन अर्ज करणाऱ्या विद्यार्थांची ऑनलाइन अर्ज भरण्याची प्रक्रिया सुरू झाली आहे. राज्य मंडळाच्या ‘www.mahahsscboard.in’ या संकेतस्थळावर विद्यार्थ्यांचे अर्ज भरायचे आहेत, अशी माहिती राज्य मंडळाच्या सचिव अनुराधा ओक यांनी प्रकटनाद्वारे दिली आहे.