Career Tips : ग्रुप डिस्कशन आणि पर्सनल इंटरव्यूवमध्ये यश मिळवण्यासाठी ‘या’ टिप्स करा फॉलो

Career Tips : करिअरचे तुम्ही कोणतेही क्षेत्र निवडा. तिथे नोकरीसाठी अप्लाय करताना तुम्हाला ग्रुप डिस्कशन आणि पर्सनल इंटरव्यूवला सामोरे जावेच लागते. आजकाल सरकारी आणि खाजगी अशा कोणत्याही प्रकारातील नोकरीसाठी अप्लाय करताना ग्रुप डिस्कशन आणि पर्सनल इंटरव्यूवचा राऊंड हमखास ठेवला जातो.

या दोन्ही राऊंडमध्ये क्लिअर होणे हे फार महत्वाचे असते. हे दोन्ही राऊंड तरूणांसाठी जितके आव्हानात्मक असतात तितकेच ते त्यांची मानसिक, शारीरिक आणि बौद्धिक क्षमतांची कसोटी पाहणारे असतात. त्यामुळे, नोकरीसाठी हे दोन्ही राऊंड क्लिअर करण्यासाठी तरूणाई झटत असते.

आज आपण ग्रुप डिस्कशन आणि पर्सनल इंटरव्यूवसाठी काही टीप्स सांगणार आहोत. या टीप्सच्या मदतीने तुम्ही हे राऊंड अगदी हसतखेळत क्लिअर करू शकाल आणि तुमचे करिअर यशस्वी करू शकालं.

अतिआत्मविश्वास धोक्याचा

कधीतरी असे होते की, एखाद्या विषयाची आपल्याला काहीही माहिती नसताना आपण त्या विषयावर चर्चा करतो. ही चर्चा करताना काही जण अतिआत्मविश्वास दाखवतात.

तुमची हीच चूक तुम्हाला महागात पडू शकते. कारण, अतिआत्मविश्वास दाखवून तुम्ही चर्चा सुरू केल्यामुळे, मुलाखत घेणारे किंवा पॅनेलमधील लोक तुमची परीक्षा पाहण्यासाठी त्यावर आणखी प्रश्न विचारू लागतात.

त्यामुळे, तिथे तुम्ही कमी पडता आणि तुमचे गुण कमी होतात. त्यामुळे, जर एखाद्या विषयाबद्दल तुम्हाला काहीही माहिती नसेल तर त्यावर चर्चा करणे किंवा बोलणे टाळा.

तयारी महत्वाची

मुलाखतीची किंवा ग्रुप डिस्कशनची तयारी करणे फार महत्वाचे आहे. यासाठी, तुम्ही अभ्यास करण्याची गरज आहे. पुरेशी तयारी केल्यामुळे तुम्ही मुलाखतीची तयारी चांगली करू शकाल.

ही तयारी करत असताना तुम्हाला इतर चालू-घडामोडींची माहिती घ्यावी लागेल. मुलाखतीच्या वेळी हे खूप उपयुक्त ठरते. त्यामुळे, तुम्ही मुलाखतीमध्ये प्रश्नांची उत्तरे देण्यात कमी पडत नाही आणि चांगली तयारी केल्यामुळे, तुमचा आत्मविश्वास देखील वाढतो.

दुसऱ्यांचे बोलणे लक्षपूर्वक ऐका

जेव्हा तुम्ही ग्रुप डिस्कशनमध्ये सहभागी होता किंवा पर्सनल इंटरव्यूवमध्ये सहभागी होता, तेव्हा त्यावेळी स्वत:च बोलत राहू नका. अशा स्थितीमध्ये दुसऱ्यांचे बोलणे देखील लक्षपूर्वक ऐकून घ्या.

दुसरा व्यक्ती बोलत असताना त्यांना मध्येच अडवू नका. त्यांचे बोलणे पूर्ण ऐकून घ्या. त्यानंतर, तुमचे म्हणणे मांडा.