महाविकास आघाडी आणि समाजवादी पक्षात तेढ निर्माण झाली असून समाजवादी पार्टीने महाविकास आघाडीतून बाहेर पडण्याची घोषणा केली आहे. दरम्यान, शिवसेना उद्धव ठाकरे गटाचे नेते आदित्य ठाकरे यांनी महाराष्ट्र सपा प्रमुख अबू आझमी यांच्याबाबत मोठं वक्तव्य केले आहे. .आदित्य ठाकरे म्हणाले, सपा ही महाराष्ट्रात भाजपची बी टीम म्हणून काम करत आहे. शिवसेना नेते मिलिंद नार्वेकर यांनी सोशल मीडिया हँडलवर एक पोस्ट केली आहे यानंतर सपाने महाविकास आघाडीतून बाहेर पडण्याची घोषणा केली..मला सपाबद्दल बोलायचे नाही, राज्यातील सपा नेते भाजपची बी टीम म्हणून काम करत आहेत. ते म्हणाले की, अखिलेश यादव त्यांची लढाई लढत आहेत, परंतु त्यांचे काही नेते भाजपला मदत करतात, त्यांची बी टीम म्हणून काम करतात आणि आम्ही या निवडणुकीत ते पाहिले आहे, मी याबद्दल जास्त बोलणार नाही, असं आदित्य ठाकरे म्हणाले. .मिलिंद नार्वेकरांच्या बाबरी मशिदीबाबत ट्विटबदद्ल बोलताना आदित्य ठाकरे म्हणाले की, कालचे ट्विट आम्ही यापूर्वीही करत आलो आहोत. आमचे हिंदुत्व स्पष्ट आहे, आम्ही हिंदुत्व कधीच सोडले नाही, आम्ही हिंदुत्वासोबत आहोत. आमचे हिंदुत्व असे हिंदुत्व आहे ज्याच्या हृदयात राम आहे आणि हाताला काम करतो. ते पुढे म्हणाले, भाजपने सबका साथ सबका विकास म्हटले होते पण प्रत्यक्षात आम्ही सबका साथ सबका विकास करतो..शिवसेना उद्धव बाळासाहेब ठाकरे पक्षाचे नेते मिलिंद नार्वेकरांच्या ट्विटनंतर महाराष्ट्र सपा प्रमुख अबू आझमी म्हणाले होते, बाबरी मशीद पाडल्याबद्दल शिवसेनेने एका वृत्तपत्रात जनतेचे अभिनंदन करणारी जाहिरात दिली होती. उद्धव ठाकरेंच्या सहकाऱ्यानेही मशीद पाडल्याचं कौतुक करत एक्स वर पोस्ट केली होती. यामुळेच समाजवादी पार्टी मविआची सोडत आहे. अबू आझमी म्हणाले की, अशी भाषा बोलणारे आणि भाजपमध्ये फरक नाही..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
