Assembly Elections 2024 : राजकारणासाठी चित्रपटातून ‘एक्झिट’; अभि‘नेता’ विजयचे सर्व लक्ष आता विधानसभा निवडणुकीकडे

- वॉल्टर स्कॉटचेन्नई, ता. ७ : आंध्र-तमिळनाडू या राज्यांमध्ये चित्रपट अभिनेत्यांनी राजकारणात प्रवेश करणे, ही बाब नवीन नाही. विशेष म्हणजे, दिग्गज अभिनेत्यांचा राजकीय प्रवेश म्हणजे ते स्वत:चा पक्षच स्थापन करतात आणि अत्यंत गांभीर्याने राजकारणही करतात..आंध्रात पवन कल्याण तसेच, तमिळनाडूमध्ये एम. जी. रामचंद्रन, जयललिता, करुणानिधी यांच्याबरोबरच कमल हसन आणि रजनीकांत यांची उदाहरणेही डोळ्यांसमोर आहेत. या यादीत आता लोकप्रिय अभिनेता, ‘इलायाथलपती’ विजय याचा समावेश झाला आहे.राजकारण ही गांभीर्याने करण्याची गरज असल्याचे त्याला माहिती असल्याने त्याने काही दिवसांपूर्वीच प्रसिद्ध झालेला ‘ग्रेटेस्ट ऑफ ऑल टाइम’ (गोट) हा आपला अखेरचा चित्रपट असल्याचे जाहीर केले आहे.तमिळनाडूत अभिनेता-नेत्यांमध्ये सध्या कमल हसन हे दोन्ही क्षेत्रांमध्ये सक्रिय आहेत. रजनीकांत यांनी २०२१ मध्ये राजकारण प्रवेश करत पक्षाचीही घोषणा केली होती, मात्र नंतर त्यांनी वैयक्तिक कारणावरून माघार घेतली होती..विजय याचे उद्दिष्ट मात्र मोठे आहे. तमिळनाडूमध्ये २०२६ मध्ये होणारी विधानसभा निवडणूक लढविण्याचा उद्देश त्याने पक्षाची स्थापना करतानाच स्पष्ट केला होता. त्यामुळे ही निवडणूक पूर्ण क्षमतेने लढण्यासाठी आणि राजकारणातच बस्तान बसविण्यासाठी त्याने चित्रपटसृष्टीतून बाहेर पडण्याचा निर्णय घेतला आहे. हा अत्यंत ‘प्रोफेशनल’ निर्णय घेणाऱ्या विजयने आपल्या अखेरच्या चित्रपटातही राजकीय संदेश देत दोन्ही क्षेत्रांची सरमिसळ केलेली नाही.मोटारीची एन्ट्री, शिट्ट्यांचा पाऊस‘गोट’ चित्रपटामध्ये विजय हा ‘टीएन-०७-सीएम-२०२६’ या क्रमांकाची मोटार चालवत असल्याचे दाखविले आहे. चित्रपटात काही राजकीय संदेश नसला तरी या क्रमांकातून त्याने राजकीय लक्ष्य स्पष्ट केल्याचे मानले जात आहे. .यातील ‘टीएन’ म्हणजे तमिळनाडू, ‘०७’ हा दक्षिण चेन्नईचा वाहतूक खात्याचा क्रमांक, ‘सीएम’ ही सध्या या भागात सुरू असलेली आरटीओची सीरिज (शिवाय, चीफ मिनिस्टर हा अर्थ आहेच) आहे. २०२६ हे निवडणूक वर्ष आहे. ही मोटार दिसताच तमिळनाडूमधील चित्रपटगृहांमध्ये टाळ्या, शिट्ट्या आणि चित्कारांचा जणू ‘बाँब’ फुटला आहे, असे भासत होते, अशी प्रतिक्रिया समीक्षकांनी दिली आहे. चित्रपट पाहण्यासाठी येणाऱ्या चाहत्यांनी पक्षाचे झेंडे आणू नयेत, असे सांगत विजयने आपली राजकीय परिपक्वता दाखवून दिली आहे. मात्र, चित्रपटगृहांमध्ये युवावर्ग तुफान गर्दी करत असल्याचेही चित्र आहे..लवकरच पक्षाची परिषदविजयच्या ‘तमिळगा वेत्री कळघम’ पक्षाची पहिली परिषद विल्लुपुरम येथे होणार असून त्यासाठी प्रशासनाची परवानगी मागण्यात आली आहे. परवानगीसाठी अर्ज करून १० दिवस उलटून गेले असले तरी अद्याप परवानगी मिळालेली नाही. या परिषदेला दोन लाखांहून अधिक कार्यकर्ते जमण्याची शक्यता आहे. त्यामुळे कार्यक्रम सुरळीत होण्यासाठी पोलिसांनी सुमारे २१ प्रश्न उपस्थित केले आहेत. वाहतूक व्यवस्था, पार्किंग व्यवस्था, महिला आणि बालकांची सुरक्षा यासंदर्भातील हे प्रश्न आहेत. विजयचा पक्ष हा सत्ताधारी द्रमुकला आव्हान ठरण्याची शक्यता असल्यानेच पोलिस परवानगीला विलंब होत असल्याचा काहींचा आरोप आहे. या परिषदेमध्ये विजय आपल्या पक्षाची धोरणे जाहीर करण्याची शक्यता आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.