येत्या २० नोव्हेंबर रोजी विधानसभा निवडणुकीसाठी मतदान होणार आहे. या पार्श्वभूमीवर राज्यात निवडणूक प्रचाराला वेग आला आहे. यादरम्यान राजकीय पक्षांकडून त्यांचे जाहीरनामे प्रसिद्ध केले जात आहेत. आज राष्ट्रवादी काँग्रेसचे नेते अजित पवार यांनी त्यांच्या बारामती मतदारसंघासाठी त्यांचा जाहीरनामा प्रसिद्ध केला. यावेळी त्यांनी त्यांच्या पक्षाचे उमेदवार निवडणूक लढवत असलेल्या ५० मतदारसंघांसाठी वेगळा जाहीरनामा सादर केला जाणार असल्याचेही सांगितले.
