अनेकांना बाकरवडी खूप आवडते.
दिवाळी सण हा सर्वांचा आवडीचा सण. हा सण काही दिवसांवर आलाय. दिवाळीचा फराळ हा शक्यतो घरीच बनवणे पसंत करतात. लाडू, चकली चिवडा, शंकपाळे सर्व पदार्थ घरीच बनवितात. यावेळी तुम्ही घरच्या घरीच बाकरवडी बनवू शकता. अनेकांना बाकरवडी खूप आवडते. चला तर मग बाकरवडीची रेसिपी जाणून घेऊयात.
साहित्य:
- २ कप मैदा
- २-३ मोठे चमचे बेसन (चणा पीठ)
- चवीपुरते मीठ
- १ ते दिड चमचा तेल
- १ छोटा चमचा ओवा
सारणासाठी:
- १ मोठा चमचा बेसन
- १ छोटा चमचा तीळ आणि खसखस
- १ छोटा चमचा आले किसून
- १ ते दिड चमचा लसूण पेस्ट
- ३ चमचे लाल तिखट
- १ ते दिड चमचा पिठी साखर
- १ छोटा चमचा गरम मसाला
- १ चमचा धणे पूड
- १ छोटा चमचा बडिशेप
- १ चमचा किसलेले खोबरे (सुके खोबरे)
- ३-४ मोठे चमचे बारीक शेव
- मीठ
कृती
- मैदा आणि बेसन एकत्र करून त्यात मीठ आणि ओवा घाला. तसेच तेल गरम करून पीठात घाला. आणि पाणी घालून घट्ट मळून घ्या. त्यानंतर झाकून १५-२० मिनिटे बाजूला ठेवा.
सारण:
- सर्व प्रथम तीळ आणि खसखस तव्यावर थोडी भाजून घ्यावी.
- सारणासाठी दिलेले सर्व पदार्थ एकत्र करून १ चमचा तेलावर थोडे परतून घ्यावे.
बाकरवडी:
- सारण तयार झाल्यावर भिजवलेल्या मैद्याची एक पातळ पोळी करून १-२ चमचे सारण त्यावर समान पसरावे. आणि घट्ट रोल करावा.
- त्याचे १ इंच आकाराचे तुकडे करा.
- गरम तेलामध्ये गोल्डन ब्राउन तळून घ्यावेत.
- बाकरवडया थंड झाल्यावर हवाबंद डब्यात ठेवाव्यात.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
