काजू कतली प्रसिद्ध मिठाईंपैकी एक आहे.
दिवाळी सण हा सर्वांचा आवडीचा सण. हा सण काही दिवसांवर आलाय. दिवाळीचा फराळ हा शक्यतो घरीच बनवायला सुरुवातही झाली असेल. लाडू, चकली चिवडा, शंकपाळे सर्व पदार्थ घरीच बनवितात. त्यात तेच तेच पदार्थ खायला नकोसे वाटतात. काजू कतली प्रसिद्ध मिठाईंपैकी एक आहे. अशावेळी घरच्या घरीच चॉकलेट काजू कतलीही बनवू शकता. अनेकांना काजू कतली खूप आवडते. चला तर मग चॉकलेट काजू कतलीची रेसिपी जाणून घेऊयात.
साहित्य
- पाव किलो काजू
- पाव किलो साखर
- एक टे.स्पून कॉर्नफ्लॉवर
- एक टे.स्पून ड्रिंकींग चॉकलेट
- अक्रोड किंवा काजूचे काप
कृती
- सुरवातीला काजू फोडून, धुवून अर्धा तास पाण्यात भिजवून, निथळून आणि पुसून घ्या.
- त्यानंतर मिक्सरवर चटणीप्रमाणे वाटा. हे वाटतानाच त्यात साखर घाला.
- आता एका जाड बुडाच्या कढईत हा गोळा तुपावर घोटून घ्या.
- त्याच्या कडेने सुटायला लागल्यावर कॉर्नफ्लॉवर आणि चॉकलेट पावडर घालून उतरवून घोटून घ्या
- गोळा जमल्यावर थोडे कॉर्नफ्लॉवर घालून पोळपाटावर किंवा बटर पेपरवर लाटून चौकोनी शंकरपाळ्याप्रमाणे कापून घ्या
- त्याच्यावरुन बदामाच्या कापांनी सजवा
- चॉकलेटची स्ट्रॉंग चव आवडत असेल तर थोडी कोको पावडर घाला.
(संदर्भ: पुस्तक- दिवाळी फराळ, सकाळ प्रकाशन, लेखिका-जयश्री कुबेर)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
