Healthy Sprout Chaat recipe : चटपटीत चव अन् खायला पौष्टिक, १० मिनिटांत तयार होणारी नाश्ता रेसिपी

Healthy Sprout recipe : सकाळी सकाळी चटपटीत नाश्ता करण्याची प्रत्येकाची इच्छा असते. रोज पोहे, उपीट आणि पराठे खाऊन तुम्हाला कंटाळा आला असेल तर आज आपण अगदी १० मिनिटांत तयारी होणारी आणि आरोग्यासाठी फायदेशीर ठरणारी हेल्दी नाश्ता रेसिपी जाणून घेणार आहोत.

आज आपण स्प्राउट चाटची रेसिपी बघणार आहोत. त्यासाठी आपल्याला खालील साहित्य लागेल.

• १ कप उकळलेली किंवा मोड आलेली मिक्स कडधान्ये

• पाण्यात भिजवलेले किंवा उकळलेले शेंगदाणे पाव कप

• टोमॅटो, कांदा पाव- पाव कप

• डाळिंबाचे दाणे पाव कप

• दोन टेबलस्पून बारिक चिरलेली कोथिंबीर

• १ टी स्पून लिंबाचा रस

• १ टी स्पून रॉक सॉल्ट किंवा काळे मीठ

• चवीनुसार मीठ आणि तिखट

• १ टीस्पून चाट मसाला

असे बनवा स्प्राऊट चाट

• ज्यांना मोड आलेली कडधान्ये कच्ची खाल्ल्याने त्रास होत नाही, त्यांनी ती कच्चीच खावीत. ज्यांना त्रास होतो त्यांनी ती उकडून घ्यावीत.

• कडधान्ये, टोमॅटो, कांदा एका बाऊलमध्ये टाकावा.

• त्यात इतर मसाले, मीठ टाकावे

• त्यानंतर त्यावर लिंबाचा रस टाकावा व नंतर कोथिंबीर टाकून सगळे मिश्रण हलवून घ्यावे.

• हेल्दी स्प्राऊट चाट रेसिपी तयार. (Breakfast)

कडधान्यांमध्ये भरपूर पौष्टिक घटक असतात तेव्हा त्यामुळे तुम्हाला एनर्जीही मिळेल आणि तुनची इम्युनिटीही वाढेल. तुमच्या आरोग्याच्या दृष्टीने ही सगळ्यात हेल्दी आणि चवदार नाश्ता रेसिपी ठरेल. (Healthy Recipe)