Papua New Guinea : परदेशातही भारतीय अन्नाचा डंका; व्हेज कोल्हापुरीसह आणखी काय काय होतं मेजवानीमध्ये...

पापुआ न्यू गिनी येथे तिसर्‍या इंडिया-पॅसिफिक आयलँड्स कोऑपरेशन (FIPIC) शिखर परिषदेमध्ये पंतप्रधान नरेंद्र मोदी उपस्थित होते. या परिषदेसाठी येणाऱ्या नेत्यांसाठी स्नेहभोजनाचं आयोजन करण्यात आलं होतं. या कार्यक्रमासाठी खास भारतीय पदार्थही बनवण्यात आले होते.

या नेत्यांसाठी भारतात पिकणाऱ्या धान्यांची मेजवानी ठेवण्यात आली होती. मिलेट्समध्ये बाजरी, ज्वारी, नाचणी यांचा समावेश होतो. पंतप्रधान मोदींनी जी मेजवानी ठेवली होती, त्यामध्ये तीन प्रकारच्या मिलेट्सपासून बनवलेले पदार्थ होते. फक्त जेवण नव्हेत, तर इतरही स्नॅक्सचा समावेश यामध्ये होता.

कोणकोणते पदार्थ होते?

खांडवी - हा एक गुजराती पदार्थ आहे. बेसन आणि ताक वापरून हा पदार्थ बनवला जातो आणि वाफेवर शिजवला जातो.

मिलेट्स आणि भाज्यांचं सूप - मक्याच्या रोटीसोबत हे सूप सर्व्ह केलं जातं. हा भारतीय पदार्थ नसून एक परदेशी पदार्थ आहे, मात्र भारतीय मिलेट्सपासून बनलेला आहे.

मलई कोफ्ता व नाचणी करी - राजस्थानी रागी गट्टा करी आणि भारतातला प्रसिद्ध मलई कोफ्ताही परदेशी पाहुण्यांसाठी होता.राजस्थानी गट्टा करी नाचणी आणि बेसनच्या भज्यांना एका आंबट अशा ग्रेव्हीमध्ये शिजवून सर्व्ह केली जाते.

व्हेज कोल्हापुरी - व्हेज कोल्हापुरी ही भाजी प्रसिद्ध आहे. टोमॅटो आणि कांद्याच्या ग्रेव्हीमध्ये भाज्या शिजवल्या जातात.

दाल पंचमेल - ही मेवाड शैलीतली खास डाळ आहे.

बाजरी बिर्याणी - बार्नयार्ड बाजरीपासून बनलेली ही व्हेजिटेबल बिर्याणी आहे.

फुलके - हे गव्हाच्या पीठापासून बनलेले असतात.

मसाला ताक - दही आणि काही भारतीय मसाले टाकून बनवलेलं ताक भारतात प्रसिद्ध आहे.

पान कुल्फी आणि मालपुआ - स्वीट्स म्हणून पान फ्लेवरची कुल्फी आणि मालपुआचा आस्वाद पाहुण्यांनी घेतला.

चहा - मसाला चहा, ग्रीन टी, पुदीना चहा, पीएनजी कॉफी यांचाही मेन्यूमध्ये समावेश आहे.