Food : पिझ्झा पॉकेटच्या चटपटीत टेस्टने करा मॉर्निंग फ्रेश

Pizza Pocket Recipe : नाश्त्याला रोज काय वेगळे बनवायचे हा प्रश्न प्रत्येक गृहिणीला पडलेला असतो. नाश्त्याला मुलांना काहीतरी वेगळे लागते. शाळेत एकमेकांच्या डब्यातील पदार्थ बघून आपल्या आईनेही डब्याला काहीतरी वेगळे द्यावे असे वाटत असते. म्हणूनच आज ट्राय करा पॉकेट पिझ्झा..

साहित्य -

2 चमचे मका, 1 बारीक चिरलेला कांदा, 2 चमचे शिमला मिरची, टोमॅटो सॉस, ब्रेड स्लाइस, 1-2 चमचे बटर, 3-4 ऑलिव्ह, किसलेले मोझरेला चीज, पिझ्झा सॉस, मीठ (चवीनुसार)

कृती :

• एका पॅनमध्ये बटर टाकून त्यात कांदा छान परतून घ्या. त्यामध्ये मका, शिमला मिरची आणि मीठ टाकून परता. त्यानंतर त्यामध्ये पिझ्झा सॉस आणि टोमॅटो सॉस घालून सर्व मिश्रण छान परतून घ्या. आता या भाज्या शिजल्यानंतर त्यांना एका प्लेटमध्ये काढून घ्या.

• त्यामध्ये मोझेरेला चीज आणि ऑलिव्ह मिक्स करा. आता ब्रेडच्या बाजू कापू घ्या. त्यामध्ये तयार केलेले मिश्रण भरून चांगले पॅक करा. दुसरीकडे कढईत तेल गरम करून ते स्टफ केलेले ब्रेड मध्यम आचेवर तळून घ्या. भाजल्यानंतर पिझ्झा पॉकेट एका प्लेटमध्ये काढून केचअपसोबत सर्वांना सर्व्ह करा.