Shravan Upvas Special Milk-Shake: श्रावणातील उपवासासाठी बनवा खास आरोग्यदायी आणि स्वादिष्ट खजूर-अक्रोड शेक

Energy Boosting Shake Recipe for Upvas: आषाढातल्या शुक्‍ल दशमी एकादशीपासून आपल्याकडे चातुर्मास सुरू होतो. त्यात श्रावण, भाद्रपद, आश्‍विन व कार्तिक हे महिने येतात. या चातुर्मासाच्या काळात भरपूर सणवार आणि उपवास असतात. नेहमी होणाऱ्या साबुदाणा खिचडीशिवाय, मग इतर अनेक पदार्थ केले जातात. असेच काही नेहमीपेक्षा वेगळे उपासाचे पदार्थ आपण जाणून घेणार आहोत.

साहित्य

• अर्धा लिटर दूध

• 2 चमचे कस्टर्ड पावडर

• साखर 2 ते 3 चमचे

• खजूर पेस्ट

• स्ट्रॉबेरीचे तुकडे

• व्हॅनिला आइस्क्रीम

• अक्रोडचा चुरा

कृती

दूध उकळत ठेवावे. कस्टर्ड पावडर थोड्या थंड दुधात कालवून त्यात घालावी. मंद गॅसवर हलवावे. शिजताना साखर घालावी. शिजल्यावर गॅस बंद करावा. थंड झाल्यावर हे तयार कस्टर्ड ग्लासमध्ये घालावे. त्यात खजूर पेस्ट घालावी. स्ट्रॉबेरीचे तुकडे घालावेत. वर व्हॅनिला आइस्क्रीम घालावे. अक्रोडचा चुरा घालावा. स्ट्रॉबेरीचे काम लावून खजूर अक्रोड शेक सर्व्ह करावा.