गणेश पूजेसाठी दुर्वा मिळणे झाले अवघड

गणेश पूजेसाठी दुर्वा मिळणे झाले अवघड
Summary

गणेशोत्सव काळातही गणेश भक्तांना दुर्वासाठी धावपळ करण्याची वेळ आली आहे.

केतूर (सोलापूर): आधुनिक, प्रगत शेती करण्याच्या हव्यासापोटी शेतकरी तणनाशकांचा मोठ्या प्रमाणावर वापर करू लागले आहे. गणेश उत्सवासाठी लागणाऱ्या दुर्वा अर्थात हराळीच्या जुडीसाठी सध्या मोठे प्रयास करावे लागत असल्याचे दिसून येत आहे.

गणेश पूजेसाठी दुर्वा मिळणे झाले अवघड
मूठभर दुर्वा पळवून लावेल मायग्रेन 

शेताच्या बांधावर, पडीक जमिनीवर तसेच पाण्याच्या पाटाच्या कडेला आणि परस बागेतही दूर्वा (हराळी) मोठ्या प्रमाणावर येत असे. तिचा वापर गणेशोत्सव तसेच संकष्टी चतुर्थीला पूजेसाठी म्हणून केला जातो तर गणेशोत्सव काळात दुर्वांच्या जुडीला महत्त्वाचे स्थान असते. मात्र मागील काही वर्षापासून मोठ्या प्रमाणावर शेतातील तणनाशकांचा वारेमाप वापर होत असल्याने शेतात बांधावर दूर्वा मिळणे अवघड झाले आहे. गणेशोत्सव काळातही गणेश भक्तांना दुर्वासाठी धावपळ करण्याची वेळ आली आहे.

गणेश पूजेसाठी दुर्वा मिळणे झाले अवघड
सोन्याच्या दुर्वा अन्‌ चांदीचे मोदक

हराळी हे खोलवर जाणारे तण असल्याने त्याच्या नाशासाठी पावरबाज तणनाशकांचा जास्तीत जास्त वापर केला जातो, त्यामुळे हराळीचा नायनाट केला जात आहे. शेतातील तणनाशक खुरपणीसाठी महिला मजुरही मिळत नाही, त्यांना मजुरीचे जास्तीचे दर द्यावे लागतात. त्यासाठी वेळही जातो हे सर्व टाळण्यासाठी शेतकरी तणनाशकाचा वापर करीत आहेत. वाढत्या तणनाशकांच्या वाढणाऱ्या वापरामुळे हराळीचे प्रमाण मात्र कमी होत आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com