नैवैद्य बाप्पाचा: कोथिंबीर मोदक

साहित्य - एक कोथिंबीरीची छोडी जुडी, १ कप खोवलेला नारळ, १ टीस्पून आले (बारीक चिरुन), १ टीस्पून लसणू (बारीक चिरुन) ३-४ हिरव्या मिरच्या (बारीक चिरून), १ टीस्पून खसखस (भाजून), अर्धा टीस्पून गरम मसाला, मीठ चवीनुसार

पारीसाठी - दोन कप मैदा, १ टेबलस्पून गरम तेल, पाव टीस्पून हळद, पाव टीस्पून धने-जिरे पावडर, २ टेबलस्पून दूध, मीठ चवीनुसार, मोदक तळण्यासाठी तेल

कृती - कोथिंबीर धुऊन बारीक चिरून घ्यावी. नंतर त्यामध्ये खोवलेला नारळ, आले, लसूण, मिरची, खसखस भाजून, गरम मसाला व मीठ घालून मिश्रण तयार करावे. एका परातीत मैदा, तेलाचे कडकडीत मोहन, हळद, धने-जिरे पावडर, २ टेबलस्पून दूध व मीठ घालून पीठ घट्ट मळून घ्यावे. १० मिनिटांनी त्याचे लहान गोळो करुन पुरी लाटून त्यामध्ये १ टेबलस्पून मिश्रण ठेऊन पुरी बंद करावी व त्याला मोदकाचा आकार द्यावा. कढईमध्ये तेल गरम करुन मोदक गुलाबी रंगावर मंद विस्तवावर तळून घ्यावेत.