नैवैद्य बाप्पाचा: बिनसाखरेचा मोदक

उमाशशी भालेराव
Thursday, 20 August 2020

साहित्य: 

आवरणासाठी - एक कप तांदळाचे पीठ, १ कप पाणि, १ टीस्पून मैदा, १ टीस्पून तूप, मीठ चवीनुसार

 

साहित्य: 

आवरणासाठी - एक कप तांदळाचे पीठ, १ कप पाणि, १ टीस्पून मैदा, १ टीस्पून तूप, मीठ चवीनुसार

सारणासाठी - १५-२० खजूर (बिया काढून) १० ते १२ सुके अंजीर, थोड्या मनुका, वेलची पूड

कृती - खजूर अंजिराचे बारीक तुकडे करुन घ्यावेत. मनुकांसह मिक्सरमधून एकजीव करुन घ्यावे. थोडी वेलचीपूड घालावी.

एका जाड बुडाच्या भांड्यात पाणी गरम करुन त्यामध्ये मीठ व तेल घालून पाण्याला उकळी आणावी. त्यामध्ये तांदळाचे पीठ व मैदा मिक्स करुन हलवून भांड्यावर झाकण ठेवावे व २ मिनिटे त्याला वाफ येऊ द्यावी. नंतर शिजलेले पीठ परातीत काढून ओल्या हाताने चांगले मळून घ्यावे. त्याचे लिंबाएवढे गोळे करुन हातावर पुरीसारखे थापावेत.

खजुर-अंजिर- मनुका यांचे तयार झालेले सारण भरून उकडीचे मोदक बनवावेत (गरज भासल्यास शुगर फ्री मिसळून अधिक गोडी आणता येईल.

 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Naivaidya Bappacha: Sugarless Modak