आले गणराय! स्वागतासाठी रमले बच्चेकंपनीसह कुटुंबीयही

सोलापूर : शुक्रवारी सकाळी सहापासूनच घरगुती गणेशमूर्ती खरेदीसाठी शहरातील ठिकठिकाणी भाविकांची गर्दी दिसून आली. काहीजण हलग्यांच्या निनादात, काहीजण दुचाकी वाहनावर, काही ठिकाणी सहकुटुंब तर काही ठिकाणी बच्चेकंपनीकडून "गणपती बाप्पा मोरया'च्या घोषणा देत श्री गणेशाचे स्वागत करून आपापल्या घरांत गणरायाची प्रतिष्ठापना करण्यात येत होती. तसेच मिठाई तसेच फूलहारांच्या खरेदीसाठी झुंबड दिसून आली. एकूणच शहरातील गणेशोत्सव (Ganesh Chaturthi) कोरोनाच्या (Covid-19) पार्श्‍वभूमीवर साधेपणाने साजरा होत असला तरी गणेशाच्या स्वागताचा जोश मात्र सगळीकडे पाहण्यासारखा होता.