मृत पतीचा आवाज ऐकण्यासाठी 'ती' रोज रेल्वे स्टेशनवर जाते; काय आहे गूढ? | Sakal
sakal

बोलून बातमी शोधा

viral

मृत पतीचा आवाज ऐकण्यासाठी 'ती' रोज रेल्वे स्टेशनवर जाते; काय आहे गूढ?

प्रेमाच्या अनेक कथा तुम्ही ऐकल्या, पाहिल्या आणि अनुभवल्या असतील. कितीही द्वेष पसरवला तरी हे जग प्रेमामुळेच टिकून आहे. प्रेमाच्या कथा जगाच्या कानाकोपऱ्यात आहेत. आणि काही प्रेमकथा अशा असतात की त्या वाचून डोळ्यात आनंदाश्रू येतात.

अशीच एक प्रेमकथा ब्रिटनच्या लंडनमधील एम्बॅंकमेंट लंडन अंडरग्राउंड स्टेशनवर दररोज अनुभवली जाते. एक म्हातारी इथे रोज येते, ती ट्रेनमध्ये चढायला नाही तर तिच्या नवऱ्याचा आवाज ऐकायला येते. ((A woman in uk goes railway station to hear her husband voice )

हेही वाचा: मोहम्मद पैगंबरांसाठी अमेरिकाही सरसावली; भाजपच्या पदाधिकाऱ्यांचा केला निषेध

मार्गारेट मॅककोलम नावाच्या या महिलेचा पती, ओसवाल्ड लॉरेन्स, 2007 मध्ये मरण पावला. लॉरेन्सने 'माइंड द गॅप'ची घोषणा केली होती, जी लंडन अंडरग्राउंड स्टेशनवर केली होती. 1950 च्या दशकात रेकॉर्ड केलेली ही घोषणा प्रवासी दररोज ऐकतात आणि आपसूक त्यांचे लक्ष घोषणेकडे जाते. मार्गारेटसाठी, ओसवाल्डची घोषणा ऐकणे हा त्याची आठवण ठेवण्याचा सर्वात गोड मार्ग होता.

हेही वाचा: श्रीलंकेत इंधन टंचाईचा पुन्हा बळी

मार्गारेट आणि लॉरेन्स 1992 मध्ये भेटले. त्यावेळी लॉरेन्स एका क्रूझ कंपनीत काम करत होता. दोघेही उत्तर लंडनमध्ये राहत होते. लॉरेन्सचा आवाज फक्त याच स्टेशनवर ऐकू येत होता. मेट्रो आणि 'माइंड द गॅप' घोषणा एकमेकांचा आधार झाल्या आहे. प्रत्येकासाठी ही फक्त एक घोषणा आहे, परंतु मार्गारेटसाठी ती फक्त आवाजापेक्षा अधिक आहे. हा आवाज ऐकून तिला आजूबाजूला लॉरेन्स आहे असे वाटते. मार्गारेट स्टेशनवर बसते आणि लॉरेन्सचा आवाज ऐकू येईपर्यंत पुढच्या ट्रेनची वाट पाहू लागते.

हेही वाचा: रशियाविरोधातील युद्धात युक्रेनचा विजय आवश्‍यक - इमॅन्युएल मॅक्रॉन

2012 मध्ये लॉरेन्सचा आवाज बंद झाला

1 नोव्हेंबर 2012 रोजी अचानक एके दिवशी मार्गारेटला लॉरेन्सचा आवाज ऐकू आला नाही. मार्गारेटने TFL शी संपर्क साधला. संपूर्ण लव्ह स्टोरी ऐकल्यानंतर, TFL ने मार्गारेटसाठी सीडीची व्यवस्था केली.

लंडन अंडरग्राउंडचे डायरेक्टर निगेल हॉलनेस यांनी सांगितले की, "मार्गारेटची कहाणी ऐकून सर्वांचे मन दुखले. आणि सर्वांनी तिला मदत करण्याचा निर्णय घेतला. जुन्या टेप्स पुनर्संचयित केल्या गेल्या. खूप प्रयत्नांनंतर, मार्गारेटने नवीन वर्षाच्या दिवशी स्टेशनवर पुन्हा तिचा लॉरेन्स आवाज ऐकला."

मार्गारेट आणि लॉरेन्स यांच्या सन्मानार्थ, कामगारांनी ट्रेन सुटण्यापूर्वी तीन वेळा लॉरेन्सच्या आवाजाची घोषणा वाजवण्याचा निर्णय घेतला होता.

Web Title: A Woman In Uk Goes Railway Station Everyday To Hear Her Husband Voice

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top