महिलेचं 100 पुरुषांशी प्रेमसंबंध; जोडीदारानं 'बाप' होण्यास दिला नकार

घानामध्ये (Ghana) लोकप्रिय असलेल्या अबेना कोरकोर हिने तिच्या लैंगिक जीवन आणि गर्भपाताबद्दल मोठा खुलासा केलाय. अबेना कोरकोर (Abena Korkor) ही Mental Health Advocate म्हणून देखील काम करते. 'जेरी जस्टिस'शी झालेल्या संवादात अबेनानं सांगितलं की, तिनं 100 हून अधिक पुरुषांशी शारीरिक संबंध ठेवले आहेत. यादरम्यान ती एकदाच गरोदर राहिली आणि तिला गर्भपात करावा लागला, असा खुलासा अबेनानं केलाय.

अबेना गर्भपाताबद्दल बोलताना म्हणाली, माझा जोडीदार फक्त माझा फायदा घ्यायचा. त्याचं माझ्यावर किती प्रेम होतं याची मला कल्पना नाही; पण त्यानं फक्त माझ्या शरीरावरच प्रेम केलंय. हे त्याच्या वागण्यावरुन मला स्पष्ट दिसत होतं. त्याच्या दृष्टीनं त्याच्यात आणि माझ्यात कॅज्युअल सेक्स होतं. त्यामुळं एका जोडीदारानं माझ्या मुलाचा बाप होण्यास नकार दिलाय. त्यावेळी मी खूपच अस्वस्थ झाले होते, असंही ती म्हणाली.

अबेना पुढे म्हणाली, जर एखादी व्यक्ती माझ्यावर प्रेम (Love) किंवा माझा आदर करत नसेल, तर त्याच्यासोबत राहण्यात काहीच अर्थ नाही. त्यामुळं मी त्या जोरादारापासून वेगळं होण्याचा निर्णय घेतला. त्याच्याकडून मला मुलं होणार नसेल, तर मी का रहायचं त्याच्यासोबत? मला असलं जीवन नकोच होतं, त्यामुळं मला पुढचा निर्णय घ्यावा लागला. माझं आई होणं, त्या पुरुषाला आवडतं नसेल तर मी जबरदस्ती गर्भधारणा करू शकत नाही. म्हणूनच, तेव्हा माझा गर्भपात झाला, असंही तिनं सांगितलं.

अबेनानं गरोदरपणातही अनेक पुरुषांना डेट केलं होतं. ती कोणत्याही प्रतिष्ठित व्यक्तीला सेक्सपासून अडवू शकत नव्हती. स्त्रिया मुलांद्वारे श्रीमंत आणि प्रतिष्ठित पुरुषांना गोवण्याचा प्रयत्न करतात. जेणेकरून ते पुढंही त्यांच्या प्रतिष्ठेचा लाभ घेत राहतील; पण माझ्या बाबतीत असं नाही. मी फक्त प्रतिष्ठित माणसासोबत राहता यावं असा कधीच विचार केली नाही आणि तसा माझा कोणताही उद्देश नव्हता, असंही तिनं शेवटी स्पष्ट केलं.