अमेरिकेत २०२१ मध्ये जंगलात वणव्यामुळे लागलेल्या आगीत जॅकलीन फोरेरो नावाच्या महिलेचं घर जळून खाक झालं. पतीशी घटस्फोट झाला आणि महिलेनं सगळं गमावलं. यानंतर इन्स्टाग्रामवर तिची ओळख आंध्र प्रदेशातील फोटोग्राफर चंदनशी झाली. हाय, हॅलो मेसेजने सुरू झालेला संवाद वाढला. काही दिवसातच जॅकलीनला चंदनचा साधेपणा भावला. जवळपास १४ महिने दोघेही एकमेकांशी सोशल मीडियाच्या माध्यमातून बोलत होते. आता दोघेही एकमेकांशी लग्न करणार आहेत.
