World Record : अलास्का ते ऑस्ट्रेलिया न थांबता प्रवास, पक्ष्याने बनवला वर्ल्ड रेकॉर्ड

लांब चोच असलेल्या गॉडविट या पक्ष्याने जागतिक रेकॉर्ड बनवला आहे. या पक्ष्याने अलास्का येथून न थांबता ऑस्ट्रेलियापर्यंत प्रवास केला आहे.या पक्ष्याने अलास्का येथून निघून ऑस्ट्रेलिया येथील तास्मानिया पर्यंतचा ८ हजार ४३५ मैलांचा प्रवास केला आहे. बार-टेल गॉडविट पक्ष्याने वैज्ञानिक नाव लिमोसा लॅपोनिका असं आहे.

हेही वाचा - द मिसिंग टाइल सिंड्रोम ठेवा आपल्यापासून दूर

दरम्यान, गिनीज वर्ल्ड रेकॉर्डच्या म्हणण्यानुसार लांब चोच असलेल्या गॉडविट या पक्ष्याला वैज्ञानिकांनी, संशोधकांनी टॅग लावला होता. २३४६८४ हा त्याचा टॅग क्रमांक होता. त्याने जवळपास १३ हजार ५६० किलोमीटरचा प्रवास पार केला आहे. ऑस्ट्रेलिया येथील टास्मानिया प्रदेशात तो आला असून या पक्ष्याने या प्रवासात कोणतीही विश्रांती घेतली नाही. तर त्याने कोणतेच अन्न न खाता हा प्रवास केला आहे. स्थलांतर करणाऱ्या पक्षांमध्ये न थांबता सर्वांत जास्त प्रवास करणाऱ्या पक्षाचा रेकॉर्ड गॉडविट या पक्ष्याने तोडला आहे.