स्वार्थवादावर ब्रिक्‍स देशांची टीका

brics-conference
brics-conference

ब्राझीलिया - बहुस्तरीय व्यापारात निर्माण होणाऱ्या आव्हानांचा सामना करण्याचा निश्‍चय करतानाच ‘ब्रिक्‍स’ देशांनी स्वार्थवादावर जोरदार टीका केली. यावेळी त्यांचा रोख अमेरिकेच्या आयात-निर्यात धोरणांवर होता. 

ब्राझील, रशिया, भारत, चीन आणि दक्षिण आफ्रिका या ‘ब्रिक्‍स’च्या सदस्य देशांनी आज परिषदेच्या समारोपावेळी संयुक्त ठराव जाहीर केला. ‘व्यापारातील तणाव आणि धोरणांमधील अनिश्‍चितता यामुळे व्यापार, गुंतवणूक आणि विकासाबरोबरच एकमेकांमधील विश्‍वासाचाही बळी घेतला आहे. जागतिक व्यापार संघटनेच्या सर्व सदस्यांनी एकतर्फी निर्बंध लादणे आणि स्वार्थवाद जोपासणे या गोष्टी टाळायला हव्यात. जागतिक पातळीवर व्यापार करताना तो नियमांना धरून, पारदर्शक, इतरांचे नुकसान न करणारा, मुक्त असायला हवा,’ असे या ठरावात म्हटले आहे. आपल्या मालाचा बचाव करण्यासाठी अमेरिकेचे चीनबरोबर व्यापार युद्ध सुरु असून त्यांनी अनेक देशांवर एकतर्फी निर्बंधही घातले आहेत. अकराव्या ब्रिक्‍स परिषदेचा समारोप झाल्यानंतर पंतप्रधान नरेंद्र मोदी भारतात परतले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com