ट्वीटरचे भारतीय CEO पराग अग्रवाल घेणार कुटुंबासाठी रजा

ट्वीटरचे नवे भारतीय CEO पराग अग्रवाल हे काही दिवसांसाठी पितृत्व रजा घेणार असल्यांच समजतंय. त्यांनी तीन महिन्यांपूर्वी ट्वीटरचा पदभार हाती घेलता होता. ट्वीटर ही जगभरातील सर्वांत मोठ्या मानल्या जाणाऱ्या कंपन्यांपैकी एक आहे. पण कुटुंबाला वेळ देण्यासाठी ही रजा त्यांनी घेतली आहे. (Parag Agrawal Leave)

तीन महिन्यापूर्वी पराग अग्रवाल हे ट्वीटरचे CEO झाले आहेत. ते मूळचे भारतीय असून ट्वीटरसारख्या मोठ्या कंपनीचे CEO म्हणून निवड झाल्यानंतर भारतीयांची मान गर्वाने उंचावली होती. ते आता कुटुंबाला वेळ देण्यासाठी काही काळाची रजा घेत आहेत.

काम आणि कुटुंबाचा समतोल राखण्यासाठी ते काही आठवड्यासाठी पितृत्व सुट्टी घेणार आहेत असं ट्वीटरकडून सांगण्यात आलंय. साधारण २० आठवड्यांपेक्षा कमी काळ कंपनी महिला किंवा पुरुष कर्मचाऱ्यांना पगारी रजा मंजूर करत असते. पराग अग्रवाल हे ट्वीटरच्या अंतर्गत पालक गटाचे प्रायोजकदेखील आहेत. त्यांनी मागच्या आठवड्यात घरगुती कारणांमुळे सुट्टी घेण्याचं कळवलं होतं. सुट्टीनंतरही ते त्यांच्या टीमच्या संपर्कात राहणार असल्याचं कळतंय.