सबस्क्राईब करा
पाकव्याप्त काश्मीर (पीओके) ची राजधानी मुझफ्फराबाद येथे पोलीस कारवाईच्या निषेधार्थ पुकारण्यात आलेल्या संपादरम्यान व्यापाऱ्यांनी बंद पाळल्याने सर्वसामान्यांना समस्यांना सामोरे जावे लागले. यावेळी सुरक्षा दल आणि आंदोलकांमध्ये चकमकही पाहायला मिळाली. दगडफेकीनंतर पोलिसांनी आंदोलकांना नियंत्रित करण्यासाठी अश्रुधुराच्या नळकांड्याही सोडल्या.
डॉन वृत्तपत्राच्या बातमीनुसार, जम्मू-काश्मीर जॉइंट अवामी ॲक्शन कमिटी (JKJAAC) च्या केलेल्या आवाहनानंतर शुक्रवारी पाकव्याप्त काश्मीर (PoK) च्या मुझफ्फराबादमध्ये बंद आणि चक्का जाम आंदोलन पुकारण्यात आले होते. यावेळी आंदोलकांनी पोलिसांवर दगडफेक केल्याने घर व मशिदीमध्ये राहणाऱ्या नागरिकांना प्रचंड त्रासाला सामोरे जावे लागले. यानंतर पोलिसांनी प्रत्युत्तर देत आंदोलकांना नियंत्रित करण्यासाठी अश्रुधुराच्या नळकांड्या सोडल्या.
पीओकेच्या संहनी, सेहंसा, मीरपूर, रावळकोट, खुईरट्टा, तट्टापानी, हत्तीन बाला येथे निदर्शने झाली. मुझफ्फराबाद आणि मीरपूर विभागातील वेगवेगळ्या भागात रात्रभर छापे टाकून पोलिसांनी अनेक नेते आणि कार्यकर्त्यांना अटक केल्यानंतर जेकेजेएसीने शुक्रवारी संप पुकारला होता.
राज्यातील विजेच्या उत्पादन खर्चानंतर ग्राहकांना वीज मिळावी, अशी मागणी जेकेजेएसी आंदोलनाने केली आहे. गेल्या वर्षी डिसेंबरमध्ये अधिकृत सलोखा समितीने हे प्रकरण सोडवले होते. त्यानंतर 4 फेब्रुवारी रोजी सरकारने अधिसूचनाही जारी केली होती. मात्र, सरकारने लेखी आश्वासने पूर्ण न केल्याच्या निषेधार्थ समितीने एप्रिलमध्ये 11 मे रोजी लाँग मार्चची घोषणा केली होती.
ते म्हणाले की, समितीने गेल्या महिन्यात घोषणा केली होती की 11 मे रोजी राज्यभरातील लोक मुझफ्फराबादकडे कूच करतील.
एसएसपी यासीन बेग यांनी सांगितले की, रेहान गलीमध्ये पोलिस उपअधीक्षक इलियास जंजुआ आणि महसूल विभागाच्या दोन अधिकाऱ्यांसह 59 पोलिस जखमी झाले आहेत, तर सहंसा बरोइयानमध्ये 19 पोलिस जखमी झाले आहेत. त्याचवेळी एका पोलिसाचाही मृत्यू झाला आहे.
वीजबिलावर लादण्यात आलेला कर आणि पिठाच्या सातत्याने वाढणाऱ्या किमतीच्या विरोधात या सार्वजनिक कृती समित्या आंदोलन करत आहेत. गेल्या वर्षी ऑगस्टमध्येही असेच आंदोलन झाले होते. दरम्यान, पीओकेच्या मुख्य सचिवांनी 11 मेच्या संपामुळे सुरक्षेसाठी 6 नागरी सशस्त्र दल (CAF) प्लाटूनची मागणी करणारे पत्र इस्लामाबादमधील अंतर्गत विभागाच्या सचिवांना लिहिले होते.
संपाच्या भीतीमुळे सरकारने संपूर्ण पीओकेमध्ये कलम 144 लागू केले होते आणि 10 आणि 11 मे रोजी सर्व शैक्षणिक संस्थांमध्ये सुटी जाहीर केली होती. मात्र, पीओकेच्या सर्व जिल्ह्यांमध्ये हजारो लोक रस्त्यावर उतरले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.