- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
न्यूयॉर्क : चीनमध्ये कोरोना व्हायरसने कहर केला असताना, आता अमेरिकेतही कोरोना व्हायरसनं शिरकाव केलाय. दरम्यान, कोरोना व्हायरसची सुरुवात नेमकी कोठून झाली याविषयी शंका उपस्थित केली जात आहे. चीनमधील हुबेई प्रांत सध्या कोरोनाचं केंद्र मानलं जात असलं तरी, कोरोना व्हायरस चीनच्या बाहेरूनही आला असल्याचं सांगितलं जात आहे.
अमेरिकेत एकाचा मृत्यू
कोरोना व्हायरस चीन, जपना, दक्षिण कोरियासह दक्षिण आशियातील अनेक देशांमध्ये पसरला आहे. आता, इराणसह युरोपातील देशांमध्येही कोरोनाची लागण झालेले रुग्ण आढळले आहेत. या सगळ्यांत अमेरिकेमध्ये अद्याप कोरोनाची एकही केस आढळलेली नव्हती. परंतु, आता अमेरिकेतही चौघांना कोरोनाची लागण झाल्याचं स्पष्ट झालंय. या चौघांना कोरोनाची लागण कोठून झाली याची मात्र माहिती अद्याप मिळालेली नाही. दरम्यान, कोरोनाची लागण झालेल्या एकाचा अमेरिकेत मृत्यू झाल्याची माहिती समोर आली आहे. अमेरिका सरकारनेही त्याला दुजोरा दिला आहे. उपलब्ध माहितीनुसार, चौघांना कोरोनाची लागण झाल्याचे स्पष्ट झाले होते. त्यानंतर वॉशिंग्टन राज्यात एकाचा कोरोनामुळं मृत्यू झाल्याचे स्पष्ट झाले. राज्यातील किंग काऊंटीमध्ये हा प्रकार घडला आहे. इथं सात लाख लोकसंख्या असल्यामुळं सगळ्यांनाच जणू धडकी भरली आहे.
ट्रम्प घेणार पत्रकार परिषद
मिळालेल्या माहितीनुसार, कॅलिफोर्निया प्रांतात एका व्यक्तीला कोरोनाची लागणी झाली आहे. पण, त्या व्यक्तीने चीन किंवा इतर कोरोनाग्रस्त कोणत्याही देशात प्रवास केलेला नाही. त्यामुळं अधिकच संभ्रम निर्माण झाला आहे. इटलीतील ला रिपब्लिका या वर्तमानपत्राने दिलेल्या माहितीनुसार इटलीत कोरोगाग्रस्त व्यक्तीचा मृत्यू झाला. पण, तो व्यक्ती चीनच्या कोणत्याही व्यक्तीच्या संपर्कात आलेली नाही. कोरोनाची अमेरिका सरकारने गंभीर दखल घेतली असताना, आता अमेरिकेचे अध्यक्ष डोनाल्ड ट्रम्प या विषयी पत्रकार परिषद घेणार असल्याचे समजते.
थोडक्यात महत्त्वाचे
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.