Cyber Attack: तैवानच्या अध्यक्षीय कार्यालयाच्या वेबसाईटवर सायबर हल्ला

ताइपे : तैवानच्या अध्यक्षीय कार्यालयाच्या वेबसाइटवर मंगळवारी सायबर हल्ला झाल्याची घटना घडली आहे. या हल्ल्यानंतर संकेतस्थळ काही काळासाठी बंद पडल्याची माहिती सूत्रांकडून मिळाली आहे.

(Cyber Attack on Taiwan Official Website)

या हल्ल्यानंतर वेबसाइट लवकरच परत सुरू करण्यात आली आहे. पण अमेरिकन संसदेच्या अध्यक्षा नॅन्सी पेलोसी यांच्या संभाव्य तैवान भेटीच्या पार्श्वभूमीवर हा हल्ला केल्याचा दावा केला जात आहे.

अमेरिकन संसदेच्या अध्यक्षा नॅन्सी पेलोसी तैवानमध्ये गेल्यास अमेरिकेला त्याची किंमत मोजावी लागेल, असा इशारा चीनने अमेरिकेला दिला आहे. तत्पूर्वी नॅन्सी पेलोसी यांची तैवान दौरा रोखण्यासाठी चीनच्या शक्तीप्रदर्शन केल्याचे समोर आल्याचे वृत्त होते. त्यानंतर आता चीनकडून अमेरिकेला उघडपणे इशारा देण्यात आला आहे. या घडामोडीनंतर झालेल्या सायबर हल्ल्यामुळे संशय व्यक्त केला जात आहे.