ऑस्ट्रेलियाला भूकंपाचा धक्का; मेलबर्न हादरले

ऑस्ट्रेलियातील मेलबर्न शहराला मोठ्या भूकंपाचा धक्का बसला आहे. हा भूकंपाचा धक्का ६.० रिश्टर स्केल तीव्रतेचा असल्याचं समजत आहे. यामुळे अनेक इमारतींना तडे गेले असून मोठं नुकसान झालं आहे. यामध्ये जिवित हानी झाल्याचं अद्याप समोर आलेलं नाही.

मेलबर्न, सिडनी, कॅनबेरा, अॅडलेडसह आणखी काही शहरांना भूकंपाचा धक्का बसला. अनेक ठिकाणी इमारतींचा भाग कोसळला आहे. याचे व्हिडिओ आणि फोटो सोशल मीडियावर व्हायरल होत आहेत. अचानक झालेल्या भूकंपनामुळे लोकांमध्ये भीतीचं वातावरण निर्माण झालं आहे.

स्थानिक वेळेनुसार ९ च्या सुमारास हा भूकंप झाला. भूकंपाचे धक्के शेकडो किमी अंतरावरही जाणवले असून याचं केंद्रस्थान जमिनीपासून १० किमी खाली होतं अशी माहिती समजत आहे. ऑस्ट्रेलियात मेलबर्नमध्ये भूकंपाचे प्रमाण कमी आहे. इथं भूकंप होणं हे दुर्मीळ असं असून यामुळे लोकांमध्ये भीतीचं वातावरण निर्माण झालं आहे.