Europe News: युरोपियन खासदाराने का कापले केस?

बेल्जियमः इराणमध्ये सुरु असलेल्या अत्याचारामुळे एका महिला युरोपियन खासदाराने भर सभेत केस कापल्याची घटना घडली आहे. इराणमध्ये सुरु असलेले अत्याचार थांबवण्याची मागणी होत आहे.

स्ट्रासबर्ग येथे भर सभेत स्वीडिश लोकप्रतिनिधी अबीर अल सहलानी यांनी निषेध व्यक्त केला. चर्चेदरम्यानच त्यांनी आपले केस कापले. महिलांवरील अत्याचार थांबले पाहिजेत, अशी मागणी त्यांनी यावेळी केली.

जोपर्यंत इराणच्या स्त्रीया मुक्त होत नाहीत, तोपर्यंत हा लढा सुरु राहिल, अशी भूमिका अल सहलानी यांनी मांडली.

'इराण ह्युमन राईट्स'च्या म्हणण्यानुसार महसा अमिनीच्या मृत्यूच्या निषेधार्थ झालेल्या आंदोलनांमध्ये शंभरहून अधिक लोकांचा मृत्यू झाला आहे. याचाच निषेध अबीर अल सहलानी यांनी केलाय.

मागील काही दिवसांपासून अमिनीच्या मृत्यूच्या निषेधार्थ इराणमध्ये शाळकरी मुली आणि महिला रॅली काढून निषेध नोंदवत आहेत. शिवाय सरकारविरोधात घोषणाबाजी करत अनेक महिलांनी केस कापले आहेत. याच आंदोलनाचं प्रतिनिधीत्व अबीर अल सहलानी यांनी केलं.